"WHERE are you, Ate?"
Kinagat ni Danielle ang ibabang labi nang basahin niya ang text message sa kanya ng kapatid na si Denisse.
Saglit nga siyang napatitig sa text message nito hanggang sa tumipa siya ng reply.
"Dito ako kina Lola."
Pagka-send ni Danielle ng kanyang reply ay wala pang limang segundo nang tumunog agad ang ringtone ng cellphone niya. At ang kapatid ang tumatawag sa kanya.
Isang buntong-hininga muna ang pinakawalan ni Danielle bago niya sinagot ang tawag nito.
"Anong ginagawa mo diyan, Ate?" Iyon agad ang bumungad sa kanya pagkasagot niya ng tawag nito.
"Vacation," sagot niya sa kapatid.
"Why are you suddenly on vacation?" tanong nito sa kanya.
Saglit siyang hindi nakasagot pero mayamaya ay bumuka din ang bibig niya para magsalita. "Medyo napagod kasi ako sa
