Napakasarap ng tulog ko kahit na sa kwarto nila Mama at Papa ako natulog. Hindi ko pa rin maintindihan kung bakit sa dami ng kwarto sa bahay e sa kwarto nila ako pinatulog.
"Daphne, gumising ka na. Kakain na," boses ni Mama.
Tiningnan ko ang oras mula sa'king cellphone. Mag-aalas sais na pala ng umaga.
"Opo."
Nag suklay lang ako't inayos ang aking damit. Nag mouth wash muna ako at saka nalang ako maliligo pagkatapos naming kumain.
"Wow! Ang daming handa. Fiesta na naman ba?"
Nakaupo na silang lahat maging si Brix na kaharap lang nila Mama at Papa sa mesa.
"Minsanan ka lang kasi umuwi kaya tinodo na namin anak," masiglang saad ni Papa sakin kaya't napangiti naman ako.
"Sit here beside me Daphne," sabi ni Brix.
Uminit ang pisngi ko. Umagang-umaga pa lang ay binubusog na niya ako k
