"Kailan ka pa natutong magsinungaling sa'min, Kathleen Grace." Boses iyon ng kaniyang ina na sinundan pala siya sa kaniyang kuwarto. "Ilang beses kitang binigyan ng pagkakataon na magpaliwag. Pero pinili mo pa ring magsinungaling..."
Hindi niya kayang harapin ang ina kaya nanatili na lang si Kathleen na nakasubsob sa unan habang umiiyak. Naglalaban ang mga nararamdaman niya; pagkatakot sa ina at pagkawasak ng puso.
Naramdaman ni Kathleen ang pag-uga ng kaniyang kama-senyales na umupo sa gilid ang ina. "Niloko niyo kaming lahat. Pinagkatiwalaan namin kayong dalawa." Puno ng hinanakit ang tinig ng Mommy niya.
Tinamaan ng parang kidlat ang kaniyang puso. Bumangon siya at yumakap sa ina. "I'm so sorry, 'my. Hindi ko po sinabi sa inyo kaagad dahil natakot ako na baka pagalitan niyo ako. Pero
