Isang linggo na ang lumipas mula nang mag-start ang OJT namin. Masasabi ko naman na marami na akong natutunan tungkol sa kalakaran dito sa marketing department. Hindi na din ako kailangang i-guide pa ni ate Louella kapag may ibinibigay na task sa akin si Ma'am Nadia. Pero siyempre, hindi pa naman lahat ay alam ko na kaya minsan, nagtatanong pa din naman ako.
"Ang tagal ng lunch break!" Usal ng isang babaeng regular employee na napadaan sa may pwesto ko.
Ngumiti ito sa akin nang makita niya akong nakatingin sa kaniya kaya ngumiti din ako pabalik.
Nag-stretch ako ng mga binti sa ilalim ng working table at tiningnan ang oras sa wrist watch na suot ko. Thirty minutes na lang pala, lunch break na at nakakaramdam na din ako ng gutom.
Umayos ako sa pagkakaupo nang makita si Kairos na nakatayo
