"Kape, Jill?"
Mabilis akong lumingon kay ate Louella saka ngumiti habang umiiling. Napansin niya siguro na inaantok ako kaya inaalukan niya ako ng kape ngayon.
Hindi ko alam kung hanggang kailan ba ako aantukin kapag nandito ako sa office. Ganito siguro talaga kapag wala kang ginagawa -- tatamaan ka at tatamaan ng antok.
Kaninang umaga kasi, ako ang nakaupo sa harapan ng computer para i-monitor at i-manage ang takbo ng social media page nitong company. Bawat post at bawat feedback patungkol sa Sunrise Trading Company at sa mga produkto nito, dapat ay suriing mabuti. Kahit 'yong website ay mino-monitor din dito sa department na ito. Akala ko nga ay sakop iyon ng I.T department ngunit hindi pala.
Medyo may kabigatan din talaga ang role ng Marketing Department sa mga business companies b
