"Ang daya mo! Ang daya, daya mo!" Sumbat sa akin ni Jeric habang nilalagay ko sa mesa ang mga order nila.
Pinuntahan niya ako dito sa shop kasama si Aicel para lang sumbatan dahil sa hindi ako nakapunta sa Food Park noong isang gabi. Pagka-alis nila Mishari ay umalis na din ako at piniling umuwi nalang sa apartment. Hindi ko alam kung bumalik nga siya doon gaya nung sinabi niya.
Siguro ay naaawa siya sa akin. O kaya ay nag-aalala dahil kahit gano'n ang nangyari two years ago, magkaibigan pa din kaming dalawa. O baka kinausap siya ni Laureen noong gabing iyon at pinapabalikan niya ako doon sa intersection dahil gabi na.
"Enjoy your coffee, Sir, Ma'am," kaswal na pahayag ko. Dinampot ni Jeric ang isang tissue at mukhang ibabato sa akin ngunit hindi na niya itinuloy. Ngumisi ako sakanya sa
