"First break!" Anunsyo ng isang kasamahan ko sa trabaho na nakatingin sa orasan.
"Tara na, Jill! Kanina pa ako gutom!" Ani Leah saka ipinulupot ang kamay sa braso ko. Naglakad kami tungo sa changing room saka na dumiretso sa back door para kumain na.
Sa likod nitong shop ay mayroong eskinita at may mga karenderya. Dito kami madalas kumain kasama ng iba pa naming katrabaho.
Hanggang alas nuebe nakabukas ang mga karenderya dito dahil nakahilera ang mga establishment sa lugar na ito.
"Anong order mo?" Tanong ko kay Leah habang nakatingin sa mga listahan ng ulam na sinulat sa maliit na black board.
"Ginataang alimango nalang. Ikaw ba?"
"'Yon nalang din." Sabi ko saka sinabi sa nagtitinda at binayaran. Naglakad ako tungo sa bakanteng mesa para maupo dahil si Leah nalang daw ang maghihinta
