الفصل التاسع عشرة (19)
1107 Words
الحلقه 19
ايات بقلق : بس مش هلحق اخلص لم كل حاجه !
ياسر :هاتى اللى تعوزيه بس والباقى هبقى اجيب لكم غيره من مصر او دبى .
ايات بإصرار :لا انا عايزه اخد حاجتى وحاجه ولادى كلها .
ياسر : خلاص لمى كل حاجه فى الشنط وانا اشحنها
ايات وهى تقبلة : شكرا يا حبيبى
ظلت ايات طوال الليل حتى الصباح تحضر الشنط لدرجه انهم وصلوا ل10 شنط، وفوجئت ايات انهم سوف يعودون على طائرة خاصه ....تذكرت معادها مع سامى ، فارسلت له رساله تعتذر له فيها عن الموعد لاضطرارها السفر مع زوجها صباحا
تلقى سامى الرساله وهو مصدوم ؛ كان ينتظر لقاءها بفارغ الصبر ولكن هذه الرساله حطمت اماله ...وكيف لها ان ترفض السفر مع سياده السفير
ارسل لها سامى رساله بانه سوف يحدد معها موعدا اخر ....وردت عليه بانه سيكون بالقاهره واغلقت الهاتف للسفر
سامى لنفسه هتروح مصر وشكلها هتقعد فتره
فى القاهره
ياسر فى المستشفى ومستقر بها لمدة شهرين . د سليم سعيد لعدم سفر ياسر الى لندن واستقراره فى مصر ....
ايات تعمل فى السفاره الايطاليه لمصر
الاطفال معهم مربيتهم وحاله من الاستقرار فى كل شىء .....ياسر معهم دائما ويبيت معهم كل يوم وهو ما كان يقلق سليم اين يبيت ياسر كل يوم ولا ياتى لمنزله.....
فى المستشفى. ...
ياسر مشغول ولا يركز مع سليم . وسليم يسأله
سليم : ياسر انت بقالك شهرين مش بتبات فى البيت بتروح فين ؟؟
ياسر بتلقاءيه وغير منتبها: مع مراتى واولادى .
سليم بدهشه :ايييييه !!!
ياسر منتبها متوترا وهو يرفع وجهه من الاوراق التى يطالعها : اص...اااا
سليم مقاطعا بغضب : اصل ايه وفصل ايه ....انت خلفت كمان !!...وهم هنا ....طب ما جبتهمش ليه وحارمنا منهم ليه !!؟
ياسر : بابا انا اسف مش عايزك تزعل منى
سليم بدموع فى عنينه: ازعل ايه اوهبب ايه ...ليا احفاد معرفهمش ...ليا احفاد ميعرفوش اهلهم ولا شافوهم ...ليه كدا يا ابنى ...وتنزل دموعه ....
عملت لك ايه انا ولا امك علشان تحرمنا من احفادنا .ليه الظلم ده
ياسر جاثيا على ركبتيه امام والده الجالس : انا..... اسف .اسف ......بس انا مش بظلمكم ...انا .....انا خايف .خايف يا بابا
سليم : خايف من ايه انطق
ياسر باستسلام والم : خايف يضيعوا منى خايف ملقهومش تانى وانا مصدقت انى لقتهم واستقريت .
سليم : للدرجه دى مراتك واهلها صعبين !
ياسر نافيا : لا مش هيه ...هيه اضعف ما يكون .هيه نسمه صيف حلوه وخايف تضيع منة لو عرفت الحقيقه
سليم بقلق واضح : فهمنى يا ابنى حقيقه ايه؟ .انا ابوك قولى سرك خلينى اشيل معاك همك
ياسر وهو مستسلم نهائيا ويشعر بأنه يحمل حملا ثقيلا على كاهلة : انا فعلا عايز أقول لك كل حاجه ، انا تعبت وعايز حد يشيل معايا سري وحاسس ان النهايه قربت ..
يجلس ياسر على الكرسى وراسه لاسفل ويكمل : ..بس لو عرفت ...يرفع راسه لينظر فى عينى سليم ..لو عرفت انا هموت يابابا ، فعلا الحياه من غيرها هيه واولادى ملهاش لازمه
وقص ياسر كل شىء لسليم وسليم مندهشا غير مصدق وغير مستوعب
ياسر متن*دا : ادى كل شىء ...دا سرى يا بابا
سليم مندهشا : انا مش مصدق نفسى ..ايات عايشه ..وانت متجوزها ...ومخلف ولد وبنت ...انت تعمل كل دا ...طب ازاى ..ولييه ؟؟
ياسر بألم :علشان بحبها ...علشان هيه دى الفرصه التانيه اللى ربنا اديها لى ..حياه جديده بذاكره جديده انا وهيه وبس ....الماضى كله اتمحى كل شىء اتمحى ..وانا كنت ضايع بسببها وهيه كانت بر امانى ...علشان كده مترددتش لحظه واحده فى اللى عملته ولو اتكرر ده تانى هعمله تانى ، انا كنت ناوى اخ*فها واتجوزها و بعد كدا افهم طنط وعموا واساوى الموضوع، وجت الحادثة وفقدان ذاكرتها ...هنا بس عرفت ان دى الفرصة اللى كنت منتظرها ، من غير ذعل مع اى حد ،أنا وهيه وبس ....انت نفسك الفتره اللى فاتت كنت مبسوط منى فى الشغل ، الشىء الوحيد اللى كان مزعلك هو سفرى للندن صح.؟
سليم :ايوه .بس...
ياسر مقاطعا : بس ايه. .اوعى تكون مفكر انى مكنتش بتعذب وانا شايف قلقك، ولا وانا هنا ومراتى واولادى فى بلد تانيه ،ولا خوفى كل يوم أن ترجعلها الذاكره .....بس كله يهون وتفضل معايا واشوفها هيه واولادى قدام منى .
سليم بألم وبصوت متهدج : انا عايز اشوفهم يا ياسر .اظن من حقى انى اشوفهم
ياسر بسرعة : صورهم معايا على الموب تعال شفهم
يرى سليم الصور ويبكى مع كل صوره ويقف على صورهم مع ايات بدون الحجاب وصبغه الشعر ويبكى كثيرا
ياسر بألم : انا اسف يا بابا. ...والله كنت خايف انها تضيع منى وهم يضيعوا كمان ..........
انا مش عارف اعمل ايه ..وسامى
ظهر وشافها وانا جبتها هنا ..انا مش بنام يا بابا من كتر الخوف .ولو نمت بحلم بكوابيس ملاحقانى .اعمل ايه شور عليا
سليم وهو ينظر له مطولا ويقول : ولو قلت هتسمع كلامى
ياسر بلهفة : هسمع يا بابا
سليم ريت على كتفه وقال له : قولها الحقيقه... .خليها تعيش فى النور وانت تعيش بدون قلق او خوف كفايه كدب بقى يا ابنى .
ياسر منتفضا : ايه بتقول ايه ..لا لا .....لايمكن اقول لها الحقيقه ازاى .دى اكيد هتسيبنى ...اكيد هتكرهنى ..هتبعد عنى وتبعد ولادى كمان وانا متعلق بيهم اوى.... اوى يا بابا ،ومقدرش والله مقدر ويبكى ياسر
سليم : ان اجلا اوعاجلا هتعرف هتعمل ايه ؟
ياسر بحيره : مش عارف فعلا مش عارف ؟
عند ايات يدق جرس الهاتف
ايات :الو
-: السلام عليكم مدام سما عبد الله
ايات : ايوه انا مين معايا
-: د سامى سامح اللى قابلت حضرتك فى حفله السفاره المصريه بلندن .وكان لينا معاد بس حضرتك بقى سافرتى
ايات : اه دكتور سامى اهلا وسهلا انت جيت مصر
رقص قلب سامى طربا عندما سمع اسمه منها
سامى : ايوه وقلت لو فاضيه يا ريت نحدد معاد واشوف حضرتك وبعدين انتى ليكى معايا امانه .
ايات ؛ امانه ايه ؟
سامى : لما اشوفك هقولك .يوافقك امتى ؟
ايات : الساعه2 الظهر فى مطعم .......
سامى : تمام واسف على الازعاج .انا مسافه السكه واكون فى المطعم
ايات : اوكيه وانا كمان مع السلامه
عند ياسر وسليم
سليم : ياسر نفسى اشوف ولادك يا ابنى
ياسر وهو ينظر فى ساعته : تعال معايا يا بابا
يذهب ياسر وسليم لمنزل ياسر ويراه الاولاد فيتقافزون ويجرون اليه فى احضانه...يقبل عليهم ياسر وياخذهم فى حضنه ويقدم لهم سليم الواقف ودموعه فى عنيه ،ويعطى ياسر جلال لسليم بينما تظل جنى فى حضن ياسر ..ثم تذهب جنى لسليم ويظلوا يلعبوا سويا ساعات طويله ..
فى تلك الاثناء ايات تقابل سامى
ايات وهى تبتسم : اتاخرت عليك ؟
سامى وهو يقف من جلسته ويبتسم لها : ابدا فى المعاد مظبوط
ايات وهى تجلس : خير فيه ايه ؟
سامى : طب تشربى ايه ؟
ايات بهدوء : قهوه مظبوط
سامى للنادل : 2قهوه مظبوط لو سمحت
ونظر لها وقال فى نفسه صدفه برده القهوه .بتشربها مظبوط زى ايات الله يرحمها
سامى : عايز اسألك سؤال فعلا شاغلنى جدا
ايات يإهتمام : اتفضل
سامى : ليه سبتى لندن وجيتى مصر.. ؟
يتبع ...
- Writer
