متاهة الحب... نجلاءناجي

الشخصيات عائله د سليم د سليم أستاذ جراح .له مستشفى خاص و يحاضر فى الجامعه ،انسان منظم جدا، دقيق جدا جدا ويحب عائلته واولاده وزوجته د سها: زوجه د سليم كانت تمارس الطب وتوقفت لمتابعه اولادها،ثم رجعت مرة أُخرى لمماسه الطب لكن على خفيف د ياسر :الابن البكرى سليم رياضى ووسيم وعملى وع**د جدا سمر:خريجه السن متدينه، وحاده الطباع وسنعرف باقى صفاتها من خلال الاحداث مى:خريجه اداره اعمال ، وتعمل فى المستشفى الخاص بوالدها كما انها تتابع الجزء الخاص بالاستثمار والاداره هند : اخر العنقود فاكهه العائله ثانويه عامه وتحب الخير للكل عائله مهندس احمد مهندس احمد :مهندس مدنى ،لديه شركه مقاولات و يحاول انه يكبرها ونجح فى كده لكنه للاسف على حساب وقت بيته واولاده فريده:زوجه احمد خريجه السن ولا تعمل محمود :خريج هندسه ويعمل مع والده ايات : طالبه ثانويه عامه ،رقيقه جدا ، اهتمامها منصب على الدراسه كل من يراها يعطيها سناً اصغر من سنها وذلك لصغر حجمها .اما عقلها فهو سابق سنها بمراحل كثيرة، لم يتحدث معاها أحد الا واعجب بعقلها مما سبب لها مشاكل كتير باقى الشخصيات سوف نتعرف عليها من خلال الاحداث يوم من ايام الصيف الجميله ؛حيث الشمس الحادة والجو الصافي ،القليل من نسمات الهواء التي تداعب اغصان الشجر علي استحياء وكأنها فتاه تتدلل بين وريقات الشجر. فى منزل د سليم على الفطار سليم وهو يجلس على مقعدة على راس المائدة :صباح الخير سها وهي تصب الشاي بالفناجين :صباح النور ياسر يتناول قطعه من البيض المسلوق ويرد :صباح الخير يا بابا سمر تتناول زيتونه وترد دون النظر لوالدها (بدون نفس):صباح الخير مى وهند بسعادة وهما ينظران لبعضهما ثم لوالدهما ببسمة رقيقة :صباح الخير يا بوب سليم وهو يرتشف من فنجان الشاي ويوجه حديثا لسها : هتاخر النهارده على الغدا متعملوش حسابى سها وهي تجلس وتضع امامه قطعه من الانشون :ليه فيه حاجه؟ سليم وهو يتناول اللانشوف بطعه خبز :عندى عمليات بعد الجامعه وبعدين هطلع على العياده على طول سهاوهي توجه انظارها الي ياسرمتسائله:طب وياسر هيكون معاك؟ ياسر وهو يبتلع الطعام ويرد:فى المستشفى بس مش هروح معاه العياده انهادره يا ماما سها في حيرة تسأل : ليه وراك ايه ياسروهو يرتشف من فنجانه :رايح النادى مع اصحابى و عمرو نغير شويه جو سها ببسمه وهي ترتشف الشاي :انا قولت يمكن تكون رايح تشوف عروسه ولا حاجه ياسر بغضب وهو يترك الطعام :على فكره انا سنى 28سنه يعنى لا كبرت ولا عنست، ومش عايز كلام كتير فى الموضوع ده لما الاقى بنت الحلال هقولك على طول سها وقد اجفلت من رده فعله ،لكنها استمرت في الحديث بنفس اللهجه والحده :وانت هتلاقيها فين ها ! وانت من البيت للمستشفى للعياده .ايه هتلاقيها وسط العيانين وبعدين انت ليه مش عايزنى افرح بيك واشوف عيالك هو ده كتير عليا ! ياسر منهياً الحديث :ماما عندك اخواتى البنات اهم -يشير الي اخوته ويكمل - افرحى يا حبيبتى بيهم انا مش هتجوز غير لما هند تتجوز سها وهي لا تتوقع هذا الرد منه وتتمني ان يبدل رايه - انت بتتكلم بجد؟ ايه الكلام ده ! عجبك الكلام ده يا سليم ؟ سليم بهدوء - سيبيه براحته يا سها لما يلاقى بنت الحلال هيجى ويقولك. ينهي طعامه وينهض قائلا - وسلام بقى علشان عندي محاضره سليم موجها حديثه لسها : يلا يا سها تعالي معايا اوصلك هند هامسه :ياسر انت بتتكلم جد ولا بتهزر مع ماما ياسر بحده :خليكى فى حالك يا بت . واخبار دروسك ايه؟ هند :بدات يا اخويا الدروس وربنا يستر بقى .بس بقولكم اهه من اولها انا مش عايزه طب انا راضيه بتربيه او اداب اه ايه اللى يخلينى اقعد7 سنين واحنط اللى عايز يتجوزنى معايا ،حلوه اوى 4 سنين وخلاص ياسر بدهشه:يخرب بيت عقلك انتى فى ايه ولا فى ايه. جواز ايه وهباب ايه شوفى مستقبلك يا هانم هند ضاحكه : دا انا بقول بس علشان مطولش المده عليك وتتجوز انت كمان بدرى بدرى بدل موال ماما معاك ده بتاع كل يوم (وتضحك ويضحك الجميع اما سمر ف*نظر لها بغل وت**ت ) ينهض ياسر للخروج ويسلم على سها و يصطدم بآيات علي باب المنزل ياسر :ايه يا بنتى قطر ماشى مفيش كلا**ات ولا اشارات واخده فى وشك كدا ليه ايات وقد اسبلت اهدابها الطويله مبتسمة :ابدا داخله عند اختك يا اخويا نذاكر اللى اخدناه امبارح ادعيلنا انت بس ياسر :يا رب يا اختى تنجحى وتبقوا زمايلى ايات ضاحكة :ننجح ونجيب مجموع كبير اه زمايلك لا ياسر بدهشه : ليه ان شاء الله حد طايل يبقى دكتور وجراح كمان ايات بضحك:لا يعم مش طايلين بس مش عايزين نعنس اه يعلي ياسر من صوته موجها الحديث الي والدته :هند نشرت افكارها يا دكتورة سها ، يا ترى هي بهتت عليكي ولا انتى اللى بهتى عليها ؟ ايات مفكرة :والله هي عندها حق وانا مؤمنه بافكارها مش ذيك دكتور يبقى لازم يتجوز دكتوره ابقى بص على زمايلك فى المستشفى يمكن تلاقى حد ،ولا اقولك استنى لما اخلص ثانويه عامه وادور لك انا وهند على عروسه بالمقاس . وتضحك وتطلع تجرى ويضحك ياسر ويخرج تصعد هند وآيات لحجره هند للمذاكره وتذهب سها وسمر لتحضير الغذاء سمر :ماما انتى فيه حد قدام عنيكى لياسر علشان كده بتزنى عليه فى موضوع الجواز ده سها وهي تضع الخضراوات امامها :كتيير بس هو يوافق سمر بحقد :طب مش من باب اولى يعنى تشوفيلى عريس او تقولى لياسر يعنى يشوف لى حد من اصحابه سها باندهاش :يا بنتى المسائل دى قسمه ونصيب ونصيبك هيجى لحد عندك بس انتى اصبرى سمر :منا صابره اهه بس الواحد بيضايق لما بيلاقى زمايله بيتخطبوا وهو لسه يعنى سها :نصيبك ربنا عاينه ليكى بس انتى متستعجليش سمر : خلاص انتى كمان متستعجليش على ياسر .. تنظر لها سها ولا ترد عليها وتنشغل بغس الخضراوات جيدا فى المستشفى ياسر:دسليم اظن احنا كده خلاص خلصنا عمليات فيه حاجه مطلوبه منى ؟ سليم وهو ينظر في الاوراق التي امامه :لا يا دكتور انت قلت هتعمل ايه ؟ ياسر :هروح مع د عمرو النادى ويمكن هروح الجيم شويه وبعدين هروح .فيه حاجه ؟ سليم :لا (وينظر فى ساعته )انا رايح على العياده يخرج سليم وياسر من المكتب د سليم ويذهب ياسر لمكتب الاداره ويخبط وينتظر الاذن بالدخول على اخته مى ياسر بابتسامه : خلصتى ولا لسه ؟ مى وهي تنظر في ساعه يدها :لسه فيه عميل منتظراه جاى دلوقتى وهخلص معاه وهروح . انت خلصت ؟ ياسر : اه وهروح اشرب نسكافيه واستنى عمرو لما يخلص ونروح النادى مى :تمام عايز حاجه ياسر :لا ابدا انا قلت اعدى عليكى واشوفك بتعملى ايه بس الظاهر انك مشغوله يخرج ياسر وتدخل السيكرتيره لمى وتعلمها عن وصول مندوب شركه السما للادويه د اسر د اسر :السلام عليكم مى:وعليكم السلام اتفضل يا دكتور اسر بدهشه : هو حضرتك اللى ماسكه الاداره هنا ولا دكتور سليم وانتى مساعده ليه مى بإهتمام : لا حضرتك انا اللى ماسكه الإدارة ليه فيه حاجه ! اسر : لا بس يعنى شكلك لسه خريحه يعنى وسنك صغير ان د سليم يسلم لك اداره مستشفى كبيره زى دى ليكى مى بغيظ :كون ان شكلى صغير او لسه حتى خريجه ده مش عيب دى ميزه بس الاهم هو الخبره وانا مدربه هنا من اول سنه ليا فى الجامعه فاطمئن حضرتك كنت طالب المقا**ه ليه اسر :حضرتك عارفه ان شركه السما للادويه بتوفر ادويه واجهزه طبيه لمعظم مستشفيات الاستثماريه فى مصر وكنا بنعرض يعن اننا نزود تعاملتنا معاكم بدل 30%الى 80%وطبعا حضرتك شفتى تعاملتنا معاكم قبل كده ودا ملف فيه كل التفاصيل، يتبع...