MAHAL na mahal ni Yue ang namayapa niyang girlfriend na si Alexis. Wala siyang pinangarap makasama habambuhay kundi ito lang. Para sa kaniya ito ang kaniyang mundo at lahat ay biglang naglaho nang nawala ito sa kaniya. Binaon niya sa limot ang lahat ng pangarap nila sa isa't isa. Naging masalimuot ang buhay pag-ibig para kay Yue nang ipangakong hinding-hindi na magmamahal pa. Natakot siyang sumubok ulit. Ayaw niya na masaktan, ayaw niya ng maiwan pa.
Si Dawn Araneta isang dalagang takot na takot magmahal at mahalin. Hindi dahil sa nasaktan na siya noon pa. Pakiramdam niya kasi mangyayari din sa kaniya ang nangyari sa mga magulang at mga kapatid niya pagdating sa buhay pag-ibig ng mga ito.
Nabigo ang mga ito, naiwan at hindi na kailanman binalikan. Simula n'on nangako si Dawn sa sariling hinding-hindi na magmamahal pa.
Hangga't sa sandali ng buhay niya may nakilala siyang isang lalaking tulad niya takot ding magmahal at mahalin si Yue Quezon.
Hindi inakala ni Dawn na ang pangako sa sarili'y mapapako dahil sa isang binatang katulad niya ayaw ng sumubok pa.
Ano ang mangyayari sa dalawang taong may takot na lumulukob sa puso nila? Makakaya ba nila parehong baliin ang mga pangako sa sariling hindi na magmamahal pa o, hahayaan na lang ang tadhana para sa kapalaran nilang dalawa.