Chapter 91
Murfin’s POV
Pagkabigay na pagkabigay ni Tita Blaire ang address ay nagmamadali akong nag-ayos ng mga gamit na dadalhin sa flight ko. Naging simple at maingat ang bawat kilos ko nang hindi ako mahalata ng mga tao rito sa bahay. Binilinan ko rin ang Tita na huwag ipagsasabi kung saan ako nagpunta.
“Hoy, Murfin!” tuwang-tuwang tawag sa akin ni Tachi nang saktong pababa na ako ng hagdanan. “Wow! Ang taray ng suot mo ngayon, ah! Bakit ginalingan mo agad, eh, magbibiyahe pa lang naman tayo?” dagdag niyang tanong sa naguguluhang anyo.
Lumakad siya sa may paanan ng hagdan at sa inosenteng mukha ay tiningala niya ako. Sinalo niya ang isang bag ko nang tuluyan akong makababa.
“Ako na ang bahala rito. Bakit pala ang konti ng dadalhin mong gamit?”
“Si Dad, naabutan mo ba siya kanina
