CHARI
Pinatawad ako nila Nanay at Tatay sa lahat nang pagkakamaling ginawa ko. Ilang araw na din akong nagkukulong dito sa silid ko, ni ayaw kong bumaba para kumain kaya dinadalahan lang ako ni nanay nang pagkain dito sa silid ko. Hindi ko na rin nagawang pumasok sa school dahil ako pa din daw ang laging topic nang mga estudyante sa Paraclete. Hindi na ako nagawang pilitin pa nila tatay na mag home school dahil nawalan ako nang gana sa lahat nang bagay.
Ang gusto ko lang ay umiyak at mag mukmok dito sa kwarto ko, ni ayaw kong may makausap kahit pa ang mga pinsan ko. Lagi ko lang iniisip si Eli kung bakit niya nagawa sa akin ito at kung minahal niya ba ako kahit konti.
Naririnig ko ang boses ni Wena at Rachel sa baba kausap si nanay. Narinig kong pinaakyat na sila dito sa taas para sila
