Mandy's POV
Kinaumagahan, naririnig ko na ang pagkaluskos mula sa labas ng living room ng Gatchalian Mansion. Hudyat na busy na ang ang anim sa ibaba. Napasilip ako mula sa pinto ng kwarto ko.
Nakita ko mula sa wall clock ang oras. Pasado alas sais na nang umaga. Nakita ko na nagbibihis na lang ng mga uniform ang iba sa kanila. May iba naman na nagtatanungan kung maayos na ang porma at buhok nila. Napapakuyom tuloy ako. Ang tagal kasi nilang umalis!
Kagabi kasi pagkatapos akong ihatid ni Dennis galing sa lumang apartment ko ay dumiretso kaagad ako sa kwarto ko at walang kinausap ni isa sa kanila. Ilang oras akong nakatulala sa kisame at walang ginawa. Kahit pa kumatok nang kumatok ang anim sa pinto ay hindi ko sila sinagot. Wala ako sa mood makipag-usap sa kahit sino noong mga oras na i
