“Sa dami-rami ng pagkakataon upang magduda ka sa akin ay ngayon pa talaga?” ang reaksyon naman ni Justin. “Ito an ang hulinng beses na magkikita tayo, Christian,” ang pagpapaalala niya pa sa kanya. “Maniwala ka na lang sa lahat ng sinasabi ko.”
“Anong buo mong pangalan?” ang sunod namang tanong ni Christian sa kanya. Hindi rin lubos na maintindihan ni Justin ang pinanggagalingan ng lahat ng mga ito.
“Justin Ispiritu,” ang kaagad namang tugon ni Justin.
“May nakita akong kamukha mo,” ang saad naman ni Christian kaya natigilan si Justin at napatingin sa kanya.
“Natural lang naman sa tao ang may kahawig at kamukha,” ang argyumento naman ni Justin.
“Warren Grey Flores,” ang sunod namang sinabi Christian kay Justin. “Kilala mo ba siya?”
“Sino ‘yun?” ang tanong naman pabalik ni Justin
