فصليتي محبوبه ومجنونه

البارت (1) فصليتي محبوبه ومجنونه لا يحلا الكلام الا بذكر الله ابدء قصتي اتمنىا ان تنال رضاكم اللهم صلى وسلم وبارك على اشرف خلق الله محمد صلى الله عليه وسلم انا ساره : عمري 18سنه من بغداد ادرس اعداديه طيوبه وفيه اندفاعيه ومتهوره بعض لاحيان جاهله بؤمور هوايه ماخده الدنيا لهو مامهتمه بنفسي مكبرت بقيت طفله ولاعبالك مراهقه وهذه احلا عمر لتحول الطفله الى فتاه جميله مراهقه تحب واتنحب لكن على الع** بقيت كما انا والبنات الي ويايه كلهم صارم واوا واني بقيت على حالي مادري ليش متغيرت وصرت مثل البنات الباقين بس فرحانه بحياتي الطفوليه او الا مبالا عائلتي على بساطته وضعف حالتنه الماديه تربطنه المحبه والالفه مامختلطين علاقاتنه محدوده ماعدنه زياره اقرب لان بابا زوج وحده كرديه واهله مقبلم فتزوج بعيد عن اهله وحالتنه المادي الحمد لله مستوره فمتسمح بلطلعات من جوانب كثيره ترجع للماده بس من روح لببت جدو للسليمانه يفررونه ونشوف العالم شون عايشين طبعآ اني عايشه حياه عاديه دراستي بيتنه اخواني لعب اني ندفاعيه اندفع بسرعه يسموني عربانه مال دفع مادير بال لنفسي ملابسي عادي اي شي اشوفه البسه ماكو هذه يصير ميصير عادي بلأضافه الى مشاحنات ويه اخوتي واني گرگه مرات امي تضوج من گد ماحچي مخلي شي ماحچي مرات تكول ساره كافي بعد ماخليج تطلعين على كد متحجيلي عن طلعتج ماعندي امور الحب والعشق بنات بصفي يحبون ورسايل وحب وغرام واني اطرش بزفه وبعضهم نخطبم وتزوجم واني ماكو شي ولاه مره عمري كله احد باوعلي والى غازلني ابد مكو هل شي والبنات كلشي يحجون اني ماكو هذه الشي حتى مرات استغرب اكول قد يكون اكو شي بيه غلط ميخلي احد يتقربلي البنات يسولفون شون يتغزلون بشارع وميگدرون يطلعون من وره الولد الي يحارش*هم فتعجبت اكو هيچ مادري بس اني يمكن مطفيه وممخلي بالي بهذه الشي فمرت الايام وكملت لمتحانات وانتضر النتيجه وصار عندي ضرف جديد گلب حياتي گلب اللهم صلي على النبي عائلتي بابا حسن موظف ويشتغل بسياره سايق وره اادوام ماما ربت بيت كرديه من السليمانيه اغلب اوقاتنه بلبيت نحچي كردي حتى بابا يعرف بلكردي عندي خمس خوات اني ساره اكبر بنيه و ياره ولخ امل لخ هند ولخ نيران ولد ثنين اكبر واحد جعفر اول بتدائي واخر العنگود 3 سنين يزن اهلي يريدونه نكمل دراسته يكولن اشهاده اهم شي للواحد عائلته حالنه متوسط مائل الا الفقر بيتنه اجار الحمد لله على كل حال بس ابويه وامي موفرينه احتياجاتنه اللهم صلي على النبي بيت عمي عائله متكونه من عمي ابو احمد وزوجته وعنده اربع ولد وبنات ثنين وهمه حالتهم الماديه حيل زينه ماشاء الله بس كلمن بحاله مرته متسلطه وهيه الكل بلكل على ل**ن بابا من بيبي محد يجي علينه منهم ومنعرفهم ولا روحلهم مرات بلعياد بابا يروح لو عمي يجي علينه كل هاي صلتنه بعمي مرات نشوفهم بيت بيبيتي اذا تواجدم بايام العيد هاي كل عرفنه بگرايب بابا اللهم صلي على النبي هسه راح نحچي عن بيت الشيخ الي راح اروحلهالى فصليه بيت الشيخ حمود ابوالشيخ فهد الشيخ حمود عنده 5 بنات 3ولد فهد اني الشيخ فهد شيخ من شيوخ الجنوب اني ابن الشيخ حمود الله بحفظه النه اني اكبر اخوتي من الولد عمري 37سنه اني خريج بس اعمل اعمال حره بلسيارت عندي معارض وابيع واشتري بانواع السيارت اني كلش عصبي ماتحمل كلمه تربيت على الدلال لان اني اجيت وره اربع بنات فكلامي ميصير ثنين على الكل اني شيخ وياه ابويه بديوان احل بعض الامور الي ينسبه اليه الشيخ امو اكثيره ماحبه ولا اطيقه منه الفصليه النهوه الهديه وغيره وغيره ابد ماحبه ودائمآ اضل اني اولشيخ نحجي بيه لاه اقنه والا يقنعني اماكو شي اسمه حب وعشق وحبيته واخذته هاي لامور ماكو يمي من صار عمري 23 سنه زوجت بنت عمي زواج تقليدي واني احبه وحترمه و الله ينطيه الصحه وعندي ولد ثنين وبنات ثنين عدلين وعندي ولد مريض معاق وحالته تعبانه لان زوجتي تمرضت وبدلناله كله وهي تاخذ علاج كمياوي وحبلت بزيودي بفترت العلاج وطلع معاق عمره 7 سنوات واحنه راجع بي للاطباء وبلشت حالته تتحسن زوجتي زهراء ام علي كلش زينه واخلاقه عاليه واني احبه وهيه بنت عمي وفاهمتني كلش تعرف شنو اريد بدون ماحجي اني احبه واحترمه هيه صديق واخ و زوجه ومامفكر ولا بالي ازوج مره ثانيه عليه ولا احب الي يزوج على مرته قافل هل شي ميصير واعتبره خطأء واهانه للمره الي متحملتني بزيني وشيني وزوجتي تمرضت ونعرضلي نسوان واني رفضت رفض نهائي واني وقتي كله بين الديوان والشغل وزهراء هيه الي مهتمه بأمور لاولاد واني وكتي كله ديوان والمعرض احنه عائله چبيره ولكل ساكنين بيت واحد شون العماره كلمن بيته بس متصلين اكلنه واحد كعدتنه وحده ماعدنه احد طالع اخوتي الشيخ حسين ابو محمد متزوج وعنده ولد واحد وبنات 3 الشيخ قاسم ابو اسد متزوج وعند3 اولاد البنات خواتي ام علي وام احمد وام جاسم وام عمار والي بلبيت اصغر وحده بينه الگعده فاطمه اللهم صلي على النبي بيت ام ادم كانم ساكنين اوكرانيا وهسه رجعم لبغداد ساكنين بفس المنطقه الي ساكنين بيه بيت ابو جعفر عندي ولد ثنين ادم ومحمد توم محمد يدرس هندسه بغداد وادم يدرس طب بؤكرانيه اللهم صلي على النبي ساره هاي القصه تبينلكم شون اني هلوعه وطايشه وما افتهم شي وعربانه مال دفع صدك مو جذب ساره انا چنت ادرس السادس ادبي اخر سنه وبيوم رايحين للمدرسه وجان يوم ممطر والمطر تراس الشوارع واجه ولد جيرانه بسياره وطفش علينه مي اني كمت اعيط علي ورزلته رزاله هوه محچه شي بس باوع من الجامه وراح اني تخبلت نباء : متلامين هذه واحد ميستحي متلامين بي شنو مشافنه محتقرنه صفا : حقه هذه چان بأوكرانيه غير لو يفتهم علينه شنحچي مستصغرنه متلامين بس سواره يستاهل هاي الرزاله ساره : يستاهل وكل ماشوفه لاارزله واحتقره صفا : واني اكيد بس اشوفه لارزله واعلمه لاحترام ميستحي هاي الثقافه مالته الجاهل ياره : عيب هذه ابن جوراينه الي يدرس بؤكرانيه ميعرفون عربي اجم جديد شبيكم هوه مي تخبلتو لو بس تتحجون ساره : ويعني ميعرف يحترم المقابيل هذه الدارس بس مبين علي همجي ميفتهم شي صفا : متلامين بي والله انتي سبعه وانتي الكدرتي ترزلي ياره : شنو نسويله يالله تاخرنه ودنيه بارده يالله خل نرجع للبيت تاخرنه نباء : فطيره يالله خل نمشي عسريع بس بسيطه اني مثلچ صفا من اشوفه الا ارزله واعلمه شون يحترم العالم ساره : اي نضل من نشوفه رزله تيعرف غلطه ويعتذر صفاء : اي عفيه صديقتي ادري بيچ تسويه ساره : اي الى اسويهه وصلنه البيت سبحنه بدلنه صليت الضهر والصلى على محمد صار الغده كالت امي جيبلنه لبن من المحل اني ة مادير بال بنسبه لابسي بيت طلعه نفس البس بس البس الشال واطلع طلعت والدنيه بارده علما وصلت المحل شويه بعيد بشارع الثاني واشوف العينتين الاوكراني طالع من المحل صرنه وجه بوجه ومتفيگ ولاببس هل برموده وفاينه والدنيا بارده خرعه ساره كتله Hello ? بستهزاء واني ماعرف احجي اي لغه غير العربي ودكش انكليزي كلمتين ثلاثه مو اكثر ادري بيك متعرف عربي بس لازم تفتهم عليه انته متستحي وماعندك ادب شون تطفش عليه بسيارت عسا هجم انته وسيارتك هاي ودارس بس لو اهلك معلميك لاخلاق ولا معلميك الاجنبي ودراستك كله ماشتريه بفلس. وعفته مشيت كلت كل ماشوفه ا ورزله رزاله من الزينه خل يولي اهينه وهوه بلكت يفتهم عليه ويحس محمد : اني طبيعتي محب الكلام الزايد ومحب اسولف ويه البنات اصلآ شايلهم من قاموس حياتي وهاي جتي ترفش ورزلت وراحت ونوب هلو اكيد مريضه ساره : اني كيفت ورحت ركض جبت البن ورجعت فرحانه عبالك محرره القدس تستاهل وكل ماشوفك ارزلك رحت للبيت ساره : ياره رزلت الولد جوارينه لمسوي نفسه اجنبي كتله هلو ورفعت ايده وبعدين رزاله من هاي التعجب وبعدين باي ياره : عيب خاف يفتهم عليچ ساره : ويفتهم لعد اني شريد وشسويله اني اريده يفتهم ولو اعرف احجي مثله چان حچت الا اني وصفا نهججه ياره : بكيفچ انتي عربانه بسرعه تندفعين وصفا فلا تسويه ضلي بس انتي بلقباحه ساره : عادي بس ماريد احد يهيني ولا عتذر طرفسه بلمايات ويباوع عبالك شايف چلاب ولاچن بشر وهدوم دوام ياره : تره شغله عاديه ويمكن الولد ولا منتبه اذا ضليتي هيچ اكول لامي ساره. : ابد بعد ماسويه روح للدولم نجي عادي منشوفه كلت سافر نسيته راح عن بالي وبيوم قبل الضهر يوم جمعه يزن لچ على المشتره فاني اخذته للمحل طبعآ لابسه نعل بابا مال الحمام والچادر مالصلا مال ماما وطلعت وشفت لاوكراني لابس دشداشه وسبحه اني طگه ونص اجنبي حافضتلي كلمتين ادكش بيه سارهgood morning واني اضحك شكله يخرب ضحك زين تعرف تصلي شتكول من تصلي واني اضحك انته مال دشداشه انته مال قبوط منتف برتقالي وياه شال صوف اصفر يسوي حكه وتضل تحك ومتكدر توكف بكاعك وينوصفلك المي الي نطفش علينه ياه غ*ي ومتلاكي وتضل تض*ب ابر الا ان ينشال جلدك كله زين باي محمد : اني بس ابوعله وهيه شلابسه هذه لبس بنيه بگده تطلع بي ومتنطي مجال احد يردله مسجل متدري ايمته يشتغل وايمته يطفه خطيه اكيد مريضه بس مفتهمت ليش تبدي كلامه اجنبي وتنهي مادري بس اكيد مريضه الله يشافيه انشاء الله ساره : رحت شتريت ورجعت وهوه واكف على الباب خبال احد يوكف بهل برد موصاحي مبين واني اچف بنعال الاستيك مال. بابا مال الحمام ورحت للببت وشاف*ني ماما لابسه هيچ صخمتني وعزتني ياريتي مو طالعه تخبلت عليه ورزاله وكتله خفيفه ساره :عادي بعد مسويه ام ساره : شون عادي احد يطلع هيچ وبعمرچ هسه عبالهم مره وخبله ساره هوه منو اكو بهل برد ام ساره : لخبول المثلج ول يمه شارع وحاله يمه حبيبتي انتي كبرتي عيب بعد تلبسين هيچ شي اكبري ساره : واني كلما اطلع باب البيت اكوم ابدل بعد مطلع ام ساره : ولتطلعين ابقي احسن ساره : بعد مطلع لان الى ابدل ومرات ابقه بهدوم المدرسه اطلع بيه صارت فترت نطلع من المدارس فترت المراجعه كمت اروح على صديقاتي اروح اقره وياهم وبيوم طلعت واشوف الاوكراني يريد يصعد بسياره كلت هسه الى يطش علينه مي اكو حفره يبقه بيه مي خل اركض اعبر المي الي يمنه والله ركضت ليما عبرته وهو ه اشو صافن بوجهي صديت علي اشو يباوعلي بستغراب اني كلت خل ارزله يستاهل شنو شاف ويباوع هيج سارهHi الله نطاك اهل يجيبولك سياره بس انته مو مال سياره انته مال حمار وتركبه وسنه تتوصل راس الشارع وتوكع منه بس حضوض متستاهل ورحت على صديقتي صفا وسولفتله صفا : عفيه بصديقتي متلامين بي يستاهل اني ممره شفته زين انتي تشوفي اخذي حقنه منه ساره : شعبالچ اخذت حقنه منه وهو بس يباوع مثول ميعرف شيرد صفا : هاي صديقتي ساره السبعه الي نعرفه ميضيع حقه ساره : شعبالچ وراچ زلم وكملت قرايه ورجعت وضليت اروح عليه الى ان خلصت لمتحانات اخر يوم متحان رجعت مكيفه خلصت وجان اشوف الولد الوكراني كلت عيب اني طوخته وياه خل الله يسامحني والله ينچحني حتى بعد مادرس بزعت من الدراسه واني **لانه وبس اريد احد يدعيلي تأنجح ساره Hello ? انيsorry اني اتعذر والله اني مكان قصدي بس انته كيف طفشت عليه مي بسياره واني ندفعت بسرعه اني اصلن عربانه فاني اسفه واعتذر هوايه سامحني وادعيلي انجح ماشي okay ? sorry goodbye مع السلامه محمد : ما كدرت جاوبته لان كلمعتاد مسجل نفتح وطفه وختفت كمت اني ادور عليه دواره تتجي وتحچي فكلت مرت الخ اشوفه واحجي وياه لان دخلت دماغي وكلش حبيته ورغم ال**نه الطويل بس محبوبه وعفويه ويارب تنجحين وتجيبين معدل الي تيدي ساره اني راحت لبيت فرحانه كملت امتحان وعتذرت من الولد اني شخبلني صح والله عربانه ضليت بس اني بسواد الوجه ونقهرت لان هيج سويت واني بلبيت انتضر النتجه ماما مو بلبيت واني جنت لابسه تراك كلت خل اروح على صفا عندهم نت خل اشون نتيجتي لان سمعت طالعه النتايچ ماكذب خبر عسريع والبس الجادر مال الصلا واطلع ركض وافوت بشار الثاني واشوف الولد الاوكراني يريد يركب السياره منتبهت اله لان هاهي اني عتذرت وهوه اشو ضل واكف واني مهمه شون وحده رايحه بمهمه رسميه واعبر من يمه ولاه جن عبالك لابسه لبس ضابط واعبره واشو اسمع احد يصيح عليه محمد ; ساره هي يبنيه يام الچادر صدي عليه اني احاچيچ ردي ساره :لتفتت هذه الاوكارني عزا بعينچ ساره شيريد منچ محمد : ممكن اعرف اسمچ صح ساره ساره : عزه بعينك تعرف عربي عزه عزه ونهزمت وتعرفون شوارع بغداد كله مزفته ولا دبي وذيج الحفره تنتضرني وكله مي وانطب ذيچ الطبه الچادر صار يسحل عليه وكله متنكع بلكوه كمت ورجعت للبيت محمد : اسم الله شبيچ بس كوليلي شسمچ اني محمد انتي شسمچ بس كولي ساره : رجعت ركض لبيتنه وبعد ماطلع ابد لو يذ*حوني محمد : هاي شبيه اشو رجعت مكملت طريقه بس عزا عزا بعينچ كلت لازم ماشوفه واحچي وياه تخبل اريد اشوفه كل لحظه ومر اسبوع وهيه ماكو شتاقيتله اول مره ابنيه تجذبني ونتضرته تطلع وماكو مر شهر وهيه ماكو تندمت كيف حچت كمت الوم بنفسي وهيه بالي ماعرف اسمه بس سمعت منه هيج ساره اي يمكن اي هيج شي بس همه ينحسبون جوارينه بس همه بلشارع الثاني اروح بشارع مالهم بس ماشوفه واتمنه اي احد يوصلني اله واحجي وياهه الهم صلي على النبي ساره بعد مطلع وصرت عاقله ابد محچي حتى امي تكول ماشاء الله ساره كبرانه وضليت ليمه صار عندي ضرف طلعني من بغداد كله اللهم صلى على النبي نروح بحكايتنه لبيت الشيخ حمود اللهم صلى وسلم وبارك على اشرف خلق الله محمد صلى الله عليه وسلم