CHAPTER 29
WALANG IMIKAN sina Younhee at Kylo hanggang sa makarating sila sa susunod na location. Babalik sila sa company dahil may fansign event pa silang gagawin. Napansin ni Younhee na wala sa mood si Kylo. Bukod sa pagiging tahimik nito, nakanguso ito at tila kay lalim pa ng iniisip.
“Kylo?” tawag dito ni Daniel ngunit tila wala itong narinig.
Nagkatinginan silang dalawa ni Daniel ngunit nag-iwas siya ng tingin.
Nakaramdam naman siya ng hiya. Hindi naman kasi siya dapat nandito sa sasakyan ng mga ito ngunit ito kasi ang pinakamalaki sa lahat kaya naman dito na siya pinasakay ni Harra kanina. Huminga siya nang maluwag.
‘Galit kaya sa akin ang isang ito? E grabe naman kasi kapag hinayaan koi tong magkape. Sobrang hyper. Minsan nakakatakot na.’ Napailing pa siya sa
