CHAPTER 34
HABANG NAGLALAKAD sa hallway si Harra ay hindi niya maiwasan na makaramdam ng labis na kaba. Hindi niya alam kung ano ang sasabihin kay Reed sa oras na magkita sila nito. Kung haharapin ba siya nito o hindi. Anong gagawin niya kapag umiwas ito sa kaniya? Sa paanong paraan niya ipapaliwanag dito na nagkamali siya?
Huminga siya nang malalim bago pinindot ang pinto ng elevator. Sa pagbukas noon ay parang gusto niyang maglakad na lang gamit ang hagdanan upang makababa sa ground floor nang makita niya si Shane na halatang nagulat din na makita siya. Kaagad na tumaas ang isang kilay nito saka tiningnan sya ng matalim.
Ilang sandali silang nagtitigan na dalawa bago nagsalita ito. “Hindi ka ba papasok o tatanga ka lang diyan?” tanong nito na hindi maitatanggi na galit ito
