Lakad takbo ang ginawa ko hanggang sa makarating ako sa bahay namin. Hindi ko na pinansin ang pagtataka sa mukha ng aming kasambahay nang pinagbuksan ako nito ng gate. Dumapa agad ako sa kama at humagulhol.
Pakiramdam ko mamatay ako sa sakit. Dyos ko, may ganito palang klaseng sakit at hindi ko alam kung hanggang kailan ako magtitiis para mawala na ito ng tuluyan.
Kung pwede lang haklitin ang puso ko mula sa aking katawan at itapon nalang ay ginawa ko na sana para tumigil na ito sa pagtibok at para mawala na ang ganitong klaseng pakiramdam.
Pinaparusahan na ba ako ng Dyos? Dahil nagawa kong maglihim sa magulang ko? Dahil nagawa kong magsinungaling sa kanila?
Pero…nagmahal lang naman ako......
Dumausdos ako pababa. Naupo ako sa sahig at tumalungko doon. Subsob an
