“Betty. . .” Kalabit sa kan’ya ni Trina.
“Huh?” Kunot-noong nilingon niya ito.
Kabababa lang nila ng bus at sabay na naglalakad pauwi sa kanila. Maagang nag-pack up ang recording dahil may gig ang banda. Wala namang naging problema kanina maliban sa talagang kinakabahan siya. But JE made sure na nakasusunod siya nang maayos. He guided her through and through until she gets everything. Mat'yaga talaga ang lalaki na turuan s'ya.
“Bakit parang ang lalim ng iniisip mo?” ani Trina.
Umiling s'ya. “Wala ito. Huwag mo na lang akong pansinin.”
Hinarangan siya nito. Kagyat s’yang napatigil sa paglalakad.
“Dahil ba kay Aira? Kay JE? O pareho sila?” Nang-aarok ang mga matang tinitigan siya nito.
Dumami ang gatla sa noo niya.
“Ano bang pinagsasasabi mo?” paiwas niyang tugon. Tangkang lalagpasa
