SEAN
Humakbang ako palapit sa kanila sa tapat ng pinto kaya humiwalay na muna si tito sa pagkakayakap niya kay tita. “Tama si Tito,” pagsasang-ayon ko sa mga sinabi ni tito kaya kumalma na ang loob ni tita at pinunasan na rin niya ang kanyang mga mata para hindi na muna siya umiyak, naisip na rin niya sigurong aksaya lang sa oras ang pag-iiyak at pwede naman niya iyon gawin sa oras na mailigtas na namin si Amy sa loob. “Subukan ko munang maghanap sa malapit dito ng mga maaaring tumulong sa atin, baka sakaling mayroon pang mga naglilibot sa lugar na ‘to… kahit pa mukhang wala,” saad ko habang inoobserbahan ko ang paligid kasi halos wala na nga talagang dumadaan kahit pa kasisimula lang maggabi, kahit nga mga sasakyan ay hindi dumaraan sa direksyon na ito na para bang hinarangan ni Alicia a
