SEAN
Anong klaseng tadhana ba naman ito? Sa dinami-rami ng oras at araw na magkikita kami ni Francine– ang inaakalang kaibigan ni Amy– bakit ngayon pa? Hindi naman sa ayaw ko na siyang makita pang nabubuhay sa mundong ito, sadyang nagliliyab lang ang mga kalamnan ko sa tuwing nasisilayan siya ng aking mga mata. Nilingon na niya ako pagkatapos ko siyang tawagin, parehas na kami ngayong nakatulala lang sa isa’t isa at nagpapakiramdaman, hindi alam kung sino ang mauuna sa amin na magsalita. Marahil ay iniisip niya kung ano ang gagawin ko sa kanya at kung bakit ako nandito. Pero, siya nga itong ipinagtataka ko kasi alam kong hindi naman siya tiga-rito nakatira, sa pagkakaalam ko at pagkakatanda ko eh nabanggit sa akin ni Amy na malayo ang tinitirhan nitong Francine na ito. Huwag niyang sabihi
