AMY
“P-Po?” pagpapa-ulit ko kay sir sa kanyang sinabi, nagbabakasakaling mali lang ang narinig ko, ngunit nang sabihin niya iyon ay parehas pa rin ang aking nalaman-- si Francine na talaga ang partner ko para sa project na hindi pa namin alam kung ano ang gagawin.
“Ayan na nga ba ang sinasabi ko,” iiling-iling na komento ni Sean sa aking tabi. “Paano ka na ngayon n’yan?” tanong niya pa sa akin na sinuklian ko naman ng pagtaas-baba ng aking balikat, kasi maski ako ay wala pang plano. “Wala naman si Francine dito, baka pwede kang magpalit ng partner mo?” aniya kahit pa alam naman niyang hindi iyon posible dahil sinabihan na rin kami ni sir kanina tungkol doon.
“Huwag na. Ako na siguro ang bahala,” pagtatanggi ko sa suhestiyon ni Sean. “Sinabi mo rin naman sa akin na hindi pwedeng ganito n
