SEAN
Nagsimula akong tumakbo nang tumakbo kung saan-saan, palingon-lingon ako sa lahat ng aking madaraanan, kahit pa alam kong hindi naman namin iyon napupuntahan. Habang naglalakbay ako sa paghahanap kay Amy ay sinusubukan kong paganahin ng lubos ang aking isipan, iniisip ko kung saan siya naroroon at halos masampal ko na ang sarili ko ng maalala ko ang bar. Bakit ba hindi iyon ang lugar na una kong pinuntahan? Alam ko naman na roon ako iniwan ni Alicia at kinulong sa isang napakalamig na kwarto na akala ko ay roon na rin ang lugar na idedeklara ang araw ng aking pagkamatay. Paano na lang kung doon din siya inilagay ni Alicia? Paano kung hindi niya magawang sumigaw ng malakas at walang makapansin sa kanyang mga sigaw, kahit pa gaano kalakas niya iyon gawin? Alam kong sanay siya sa lamig
