AMY
“Eh ano na ang balak mong gawin ngayon? Papasok ka talaga sa school? Paano kung inaabangan ka ni Francine sa room niyo o abangan ka, tapos saktan ka lang na naman?” sunod-sunod na tanong sa akin ni Sean.
Bakas ang pag-aalala sa kanyang mukha. Ang akala ko ay aalis na siya rito pagkatapos niya akong ihatid malapit sa bahay namin, pero nagkakamali pala ako. “Kailangan kong pumasok. Ayaw kong masayang ‘tong taon na ‘to para sa wala,” tugon ko sa kanya tsaka ko naisip ang isang bagay na tinanong din ni Axel kanina sa akin. “Ikaw ba, hindi ka papasok?” pagbabalik ko kay Sean ng tanong niya.
“Hindi pa ako enrolled sa kahit na anong school,” sagot ni Sean at pagkatapos niyon ay bigla na lang siyang napangisi. “Gusto mo bang sa school mo na lang din ako mag-enroll? Wala namang masama roon t
