AMY
Hindi ko maintindihan ang dapat kong maramdaman pagkatapos kong mabasa ang mensaheng nakapaloob sa pinadala sa akin ni papa. Dapat ba akong kabahan dahil sa nalaman niya, malungkot dahil sa kanyang reaksyon, o dapat ba ako maging masaya dahil sa wakas ay makakausap ko na uli siya ng maayos?
Napailing na lang ako sa gitna ng aking pag-iisip at dali-dali kong kinuha ang bag ko mula sa ibabaw ng aking lamesa. Ayaw pa sanang humakbang papalayo ng aking mga paa dahil nga sa sinabi ni Sean, na hintayin ko siya rito at huwag na huwag akong aalis sa loob ng silid na ito. Subalit, mas matimbang ang kagustuhan kong makausap si papa ngayon. Kinagat ko pa ang aking labi bago ako nagpasyang umalis na sa aming classroom.
Habang mabilis kong tinatahak ang daan palabas sa aming classroom ay halos m
