Jiro’s POV
Pagkatapos ng graduation namin ay naging sunod-sunod ang selebrasyon namin at kagaya ng plano ko ay nakapagsimula na kaagad ako sa trabaho at parang baliw naman ang mga kasama kong sina Lance at Aeron dahil walang araw na hindi sila nag-aaway at ang madalas na dahilan noon ay ang pag-de-date nina Eunice at Aeron. Kagaya na lang ngayon, kapapasok ko lang sa opisina pero boses na nila na nagtatalo ang naririnig ko.
“Good morning din sa inyong dalawa,” pagbati ko sa kanila na may pagkasarkastiko ang tono dahil madalas na nagiging ganoon ang salubong nila sa akin sa umaga. “Ano na naman ba ang pinagtatalunan niyo? Kaunti na lang ay baka isipin ko na kayo ang may relasyon na dalawa. Umagang-umaga, nag-aaway kayo.”
“Pagsabihan mo iyang kaibigan mo dahil kung saan-saan niya dinadala
