PAG-IBIG . . .
Ito ang nangingibabaw sa damdamin ni Evo. Masaya siya na nakapagtapat siya ng nararamdaman kay Serene. Habang nasa biyahe sila papuntang opisina ay panay ang lingon niya kay Serene, Nakangiti at parang hindi makapaniwala sa nakikita. Sino nga ba naman ang taong hindi sasaya sa oras na makasama mo ang taong minamahal mo? Pero sumagi pa rin sa isip niya ang mga maaaring mangyari sa oras na malaman ng lahat ang kanyang panliligaw kay Serene. Pero hindi siya natatakot. Mahal niya si Serene at hinding-hindi siya papayag na hahadlangan siya ng kahit na sino.
“Sir, baka mabangga po tayo. Diretso n’yo lang po ang tingin ninyo sa daan,” paalala ni Serene nang mapansin ang ginagawa ni Evo.
Panaka-naka nitong sinisilayan ang namumulang mukha ni Serene.
“Don’t worry. I can handle ev
