حياه❤

البارت الثالث

قصه تتحدث عن ولاء فتاه جامعيه وعلي قدر من الجمال وذات تعليم عالي ..احبت وارتبطت بشاب اقل في المستوي التعليمي لها بكثير ....وحماتها لم تتركها لحالها ..بل اصرت ان تسبب لهم الكثير من المتاعب فهيا بنا نتعرف علي احداث هذه القصه

*** اما عن ولاء صديقتها فهي اول فتاه في الخمس فتيات يتم خطبتها لابن الجيران فهو حبيبها منذ الصغر ...علي الرغم من الفرق التعليمي الكبير بينهم وعلي الرغم ان والدها لم يكن موافق وطلب شروط وتكاليف كثيره للخطبه والزفاف ..الا ان حبيبها وافق علي كل شروط والدها وبالفعل تمت خطبتها

محمد : انا وافقت كل شروط والدك ..انتي عارفه والدتي صعبه قد ايه ..بس بصراحه ما كنش ينفع اسيبك يا ولاء .انتي حب عمري كله من ايام ما كنتي لسه بضفاير

ولاء : وانا محافظه علي نفسي جدا ليك يا محمد ..حتي في جامعتي .ليا زمايل اتغروا بجو الجامعه بس انا عمري ما اتغريت بالجو دا ..حتى عيشه الارياف انا حباها علشان هكمل واعشها معاك ..انا واثقه انك هتحافظ عليا يا محمد ..علي الرغم اني متخوفه شويه من والدتك

محمد : هي طيبه بس شديده شويه في كلامها وطريقتها ..ما تقلقيش منها طول ما انا معاكي انتي هتبقي مراتي وهي والدتي

ولاء : عاوزاك تعرف حاجه مهمه ، انا يوم ما امشي من بيتك واغضب منك ،، خليك عارف اني عمري ما هرجعه تاني ..يعني يوم ما اقرر امشي ابقي اكيد جبت اخري وجربت اعيش كتير بس ما نفعش

*** تزوجت ولاء وفي يوم زفافها حضر جميع صديقاتها الاربعه وشاركوها فرحتها وذهبوا لمساهده بيت الزوجيه برفقه ام ولاء ..فهناك في بلد ولاء م***ع علي العروسه الذهاب الي بيت الزوجيه الا عند الفرح ورجعوا وباركوا لها هذه الزيجه وهنأوها وعادوا الي بيتهم

*** بعد شهر واحد من الزواج ..ابتدت ام زوجها ان تكشر عن انيابها تجاه ولاء ودائما ما كانت سبب المشاكل المفتعله بينهم الى ان اصبحت ولاء لا تطيق العيش هكذا فطلبت من محمد الانفصال عن العيشه الكامله في بيت حماتها

ولاء : محمد انا كده مش مرتاحه ...حاولت وحاولت كتير وخلاص مش عارفه اتاقلم علي اننا ديما عايشين تحت مع والدتك اكل وشرب وعيشه كلها تحت وبنطلع شقتنا علي النوم فقط ...وانت طول اليوم في الشغل ..انا مش مستحمله العيشه كده ..ووالدتك طول اليوم مشغلاني انا مش عارفه ارتاح ..غير شغل تربيه الطير الي عندكم ..دا لولا اني وقفتلها واصريت ما اروحش الارض كانت هتبعتني كمان ..وتجبرني علي كده ...انا استحملت العيشه دي كلها علشان خاطرك ..بس كده فوق طاقتي ..انا مش قادره استحمل سخافتها تاني من النهارده

محمد : ولاء لو سمحتي راعي ان الي بتتكلمي عنها دي والدتي ..وبعدان لو علي الشغل انا هقولها تقلل طلبات الشغل عنك شويه ما تقلقيش

ولاء : اما اشوف يا محمد انا اشتكتلك اهو مره ..وعاوزه اشوف ..انا عاوزه اطلع شقتي في اي وقت ارتاح ..مش مسموحلي بس اطلعها علي باليل ننام واول ما اصحي انزلها من النجمه علشان اخدمها

*** قضيت تلك الليله وفي داخل ولاء الكثير من الغضب ولكنها قررت ان تتغاضي وتسمع كلام زوجها لانها تحبه ..وتري ماذا سيفعل لها محمد وماذا سيقول لامه

وكان محمد بالفعل قد فتح مع امه الموضوع ان تخفف علي ولاء اعباء الشغل والخدمه وان تتركها تصعد الي بيتها في اي وقت تحبه لترتاح وعندما ياتي من عمله تنزل معهم ليأكلوا سويا ..ووافقت ام زوجها ولكنها في نفسها ..قررت ان تحدث لهما المشاكل ..عندما نزلت ولاء في اليوم التالي الي شقه حماتها كالعاده مبكرا ..لتعد لهم وجبه الفطور

ام محمد : اتاخرتي كده ليه في النزول ..متاخره خمس دقايق ليه (بطريقه سخريه شديده منها )

ولاء : لا ما اتاخرتش ..وبعدان علي ما قومت وروقت شقتي ..ولا مش عاوزاني كمان اروقها

ام محمد : اه تروقيها وتقعدي فيها طول اليوم وتبقي متبغدده كده ...طاب ايه رائيك لو نطلعك الاكل لحد عندك فوق ..علشان ما تتعبيش نفسك

ولاء : انتي بتتريقي عليا ...دا ابسط حق من حقوقي علي فكره الي مش عاجبك دا ....المفروض ان الي فوق دي شقتي انا علي فكره ..يعني اقعد فيها اكتر ما اقعد هنا اطبخ فيها اكتر ما اطبخ هنا ارتاح فيها اكتر ما برناح هنا ...مهياش فندق بطلع ابيت فيها انا وجوزي وشكرا علي كده

ام محمد : انتي رايحه تشتكي لجوزك يااختي ، طاب انا هخليكي تعرفي تشتكي كويس وشوفي بقي كلام مين فينا الي هيمشي

ولاء : تمام انا طالعه شقتي وهخدم نفسي انا وجوزي في شقتي بعد كده انا مش خدامه حد

ام محمد : اطلعي يا حببتي شقتك ..علشلن اما جوزك يجي اخليهالك اخر يوم في شقتك

*** صعدت ولاء الي شقتها وهي غاضبه جدا من تصرف حماتها ..فهي تكلفها فوق طاقتها من كل شئ ...من ترويق لشقتها ومن عمل جميع وجبات الطعام

لها ولزوجها ولاخيه ايضا وغسيل ملابسهم ولا يقال لها كلمه طيبه تطيب خاطرها واكل للح*****ت والطيور وتنضيف مكانهم ..فقد استحملت ولاء حقا الكثير والكثير من اجل ان تعيش مع زوجها وفي تللك الليله اتصلت حماتها علي زوجها تلفونيا واخبرته بان زوجته لم تنزل اليوم

ام محمد : الو ..عامل ايه يا محمد في الشغل ، بقولك مراتك ما رضيتش تنزل خالص ، وكمان اكلمها بتبج فيا وتزعقلي وقالتلي انها مش هتنزل تخدمنا تاني ..وهتفضل قاعده في شقتها هو انت عاجبك الكلام دا ...دا انا تعبانه طول النهار وكبرتكوا وخدمتكوا ومستنيه اما تتجوزا علشان تريحوني

محمد : معلش يا ماما اكيد في حاجه غلط او اكيد هي تعبانه هي كمان ...من ساعه ما اتجوزنا وهي طول عمرها بتخدمك

ام محمد : يعني انا بقولك تعبانه وانتي بترد عليا تقولي مهي اكيد تعبانه ...ومين هيعملكوا الغدا بقي دلوقتي وابوك زمانه جاي من الغيط رن عليها وكلمها واجبرها تنزل ..علشان انا مش هطبخ وانت حر ..ابوك لو جه ومالقاش غدا هيكبر المشكله اكتر

محمد : طيب يا حاجه انا هتصل عليها واكلمها

انهي محمد المكالمه الهاتفيه مع امه ..واتصل بزوجته ولاء ليفهم ماذا حدث

محمد : في ايه يا ولاء ..ايه الي حصل ..انتي ما نزلتيش تحت النهارده ليه

ولاء ؛ انا نزلت وامك اتكلمت بطريقه وحشه ..انا بقيت حاسه اني شغاله عندكوا ومافيش اي احترام ولا تقدير ...انت متجوزني علشان بتحبني وعاوز بيتك مستقر ...ولا متجوزني علشان اخدمك انت والدتك ووالدك واخوك كمان ..انا تعبت يا محمد استحملت علشان اعيش معاك كتير علشان بحبك ...بس انا عاوزه اعيش معاك انت لوحدك ..انا متجوزاك انت مش متجوزه امك وابوك

محمد : طاب معلش يا ولاء انزلي بس النهارده علي ما اجي من الشغل واحل انا المشكله دي ...بس انزلي النهارده لان ابويا زمانه جاي من الغيط ومحدش عمل الغدا ...والمشكله هتكبر كده ...انزلي بس اعملي الغدا وانا اما اجي هتصرف

ولاء : لا مش نازله ...انت طول عمرك بتقولي هتصرف هتصرف ..انا خلاص مش خدامه حد ...امك بصحتها تعنل غدا لجوزها ..ولا انتو كنتوا عايشين ازاي قبل ما اجي ولا قبل ما تتجوزني

واتعصب محمد وحصلت مشاده بينهم و**مت ولاء علي عدم النزول ثانيه فقرر محمد الاستأءذن من شغله وذهب الي بيته مسرعا وعندما دخل الي البيت وجد والدته في انتظاره وهي في حاله عصبيه شديده

ام محمد : انت فين كل دا والهانم بتاعتك قاعده في شقتها نايمه ومكبره دماغها ومشيه كلامها علينا كلنا ...الهانم قررت تقعد وتأنتخ في شقتها واحنا بقي نض*ب دماغنا في الحيط ...انا قولت مش همد ايدي في الشقه يعني مش هعمل حاجه ..وخلي اما ابوك يجي هو يعرف يتصرف معاك ومعاها ...مش كفايه مش بتساعدنا في شغل الغيط ...عامله فيها هانم ولا شايفه نفسها عليك بتاعه الجامعه دي ....اه زمانها بتقول بقى ازاي تتجوزك وانت اقل منها وكلام من دا وانت بتسمعلها

محمد : انا مابسمعش لحد ومحدش ممشيني ...انا هطلع اشوف ايه الموضوع

صعد محمد في الطابق العلوي عند شقته وطرق الباب ودخل ليجد ولاء جالسه مستريحه علي الاريكه

محمد : دا انتي فعلا قاعده مستريحه ..الدنيا مشعلله تحت ..وانتي قاعده نايمه هنا ..انا مش كلمتك في الفون وقولتلك انزلي اطبخي بس النهارده علشان اليوم يعدى

ولاء ؛ اه يعدي قصدك زي اي يوم ..زي كل يوم ما الخدامه الي جيبنها بتصحي من النجمه تنزلكم وتروق شقتكم مش شقتي واعملكم غداكم ...الثلاجه هنا عندنا علي طول فاضيه ..لو جوعت ولا احتاجت حاجه لازم انزل استاءذن منها ..ولا لو نفسي جابتني علي حاجه اكلها لا طبعا ما ينفعش كده لازم نجبها للبيت كله ودا هيكلفك كتير فمبتجبهاش اصلا ...افتح ثلاجتك شوف فيها ايه ..مافيهاش غير مايه بس ..تخيل علشان واحنا نايمين باليل لما نعطش ...انا تعبت من العيشه دي ولو كنت استحملت استحملت علشان ..لو فاكر كويس الجمله الي قولتهالك قبل ما نتجوز ...انا لو فاض بيا وسيبت بيتك يا محمد عمري ما هرجعله انا كده هكون جبت اخري

محمد : انتي بتهدديني يعني ولا ايه ...يااما تنزلي تعملي تحت معاهم ...يااما ما تقعديش كده ..انتي عاوزه كل يوم يعني ما تعمليش حاجه ..اجي القيكي نايمه كده يعني ولا ايه

ولاء : انا عاوزه اعمل واشتغل في بيتي في شقتي اطبخ في شقتي البس برحتي ما ابقاش مأيده نفسي وحركتي ولبسي علشان وجود اخوك او ابوك ...علشان علي الاقل يبقي عندي وقت ويبقي عندي طاقه وابقي فاضيالك اتكلم معاك احاورك ...يبقي عندي وقت فراغ لنفسي اهتم بنفسي اشوف نفسي في المرآيه حبه ...انا خلاص حاسه اني مش عروسه ..دا انا خدامه ومش عندي وقت اشوف نفسي حتي

محمد : انا راجل البيت هنا يا ولاء وانتي مش هتمشي كلامك عليا ..وانا مش هسمع كلامك برضه ..يلا البسي وانزلي الحقي جهزي الاكل قبل ما الحاج يجي ..ومشكلتك تكبر اكتر واكتر كده

ولاء : وانا مش نازله ومش هخدمها تاني ...اقولك علي حاجه احلي ..انا ماشيه ...ماشيه يا محمد علشان ترتاحوا كلكوا ..ابقوا ارجعوا بقي لطبيعتكوا ..شوفوا كنتوا بتاكلوا وتشربوا وتروقوا مكانكوا ازاي ...ولا كنتوا بت**وا السنين دي كلها ....انا ماشيه وخدت قراري ومش هقولك لما تغير رائيك كلمني ..لا انا عند والدي لحد ما تجبلي ورقه الانفصال ..انا مش مرتاحه مش مرتاحه مش مرتاحه معاك ....افهم بقي ..انا مش حاسه اني متجوزاك اصلا

*** اعدت ولاء كل شنط ملابسها وغيرت ملابسها وتركت البيت ونزلت ذاهبه الي والدها ...وهي في طريقها الي النزول قابلتها حماتها

ام محمد : غوري يا اختي في داهيه ...انتي هتهددينا ...البيت دا ليه شروط وقواعيد ...مش انتي الي هتمشينا بدماغك ..انتي مفكره نفسك جايه من البندر ومش عارفه عادتنا

تركتها ولاء تتحدث بصوت عالي وتتعصب عليها ...وولاء في قمه هدوئها ولم تعطيها حتى اي اهتمام وذهبت الي بيت والدها وقابلتها والدتها متلهفه عليها من منظر وجهها مليئ بالدموع ومن الشنط الي كانت تحملها قلقت جدا علي ابنتها

** دخلت ولاء الي غرفتها ولم تستطيع محادثه امها ولا ابيها فقط ارادت ان تسترياح ...وبدأت امها تقلق عليها ...فولاء رافضه للتحدث تماما معهم ودائما تغلق عليها باب غرفتها ...ففكرت امها في صديقاتها واتصلت بيهم كان معاها رقم ريتاج لانها قريبه منها من نفس المنطقه ومعاها رقم ايتن ..وايتن اتصلت علي رهف ..بينما فاطمه كانت تزوجت ولم تستطيع ان تأتي لها ....وبالفعل اجتمعت رهف وايتن وريتاج عند بيت ولاء ...ووجودهم اسعد ولاء حقا فهي كانت تحتاج ان تغير الجو الذي كانت تعيش فيه وتستعيد حياتها الجامعيه واصدقائها

آيتن : في ايه يا ولاء مالك ، ايه الي حصل .والدتك عاوزه تفهم وانتي مش راضيه تتكلمي ..لازم تتكلمي علشان نعرف نحل

رهف ؛ مالك يا لولو انتي طول عمرك جامده وبتعرفي تتصرفي ..افهم بس ايه الي حصل حببتي علشان نعرف نحل

ولاء : من ساعه ما اتجوزت وانا عماله اخدم امه وابوه واخوه ولازم انزل الصبح بدري وبعمل كل حاجه في شقتهم ...ومش بطلع فوق غير علي وقت النوم بس ومش مسموح حتي اطلع اريح في شقتي في نص اليوم ...دا غير الاسلوب والطريقه والمعامله الزباله الي امه بتعاملني بيها ...لحد ما جه امبارح وخلاص اتخنقت مش قادره بجد علي كده ..اقولها تعبانه وهي منشفه دماغها .لا وكمان جيبالي شغل تاني اشتغله ..وانا بقولها تعبانه وعاوزه ارتاح ...فبتعند معايا وجيبه شغل تاني سبتها وطلعت واما محمد جوزي جه قولتله عاوزه ارتاح ومش حقي اعزل شويه ..علي الاقل ايام وايام ...سكت وقالي هقولها ..وقالها الصبح ونزلتلها في المعاد ...اتشاكلت معايا وبتقولي انتي رايحه تشتكي لجوزك ..وكلام كتير كده يقل مني ومالوش لازمه ..انا حلفت ما انا عامله حاجه وطلعت اوضتي قامت هي اتصلت علي ابنها وقالتله اني ما نزلتش النهارده .والبيت متبهدل وم**مه انزل اعمل الغدا وهي حالفه مش هتعمل الغدا وهو خايف ابوه يجي وم**م كمان انزل برضه وانا بجد تعبت تعبت نفسيا وجسديا ..تعبت من خدمتهم ومافيش تقدير ولا كلمه طيبه ..وكمان تعبت من كتر الشغل عليا ..الست طالباتها كتير وبتتعمد تشغلني لو شاف*ني قاعده فاضيه

ريتاج : معلش يا ولاء ..ما انتي عارفه ظروف العيشه هنا عندنا في الارياف عامله ازاي ...كل الناس هنا عايشه بالمنظر المق*ف دا ...فاكرين وهما بيجيبوا عروسه لابنهم ..انهم جايبن عروسه اوبشن اتنين في واحد ...ولو لقوا تلاته في واحد كمان هيجيبوا ...دول وهما بيدفعوا مهر العروسه كانهم بيشتروا خدمه للعمر خدامه وزوجه لابنهم ومربيه كمان للاطفال بيخدوا العروسه ويقطموا ظهرها ويزلوها ..الا من رحم ربي ..بس معظم الناس بالتفكير دا فعلا

رهف : طاب انتي ليه ما اتكلمتيش براحه مع جوزك وقولتيله وفهمتيه احساسك وانك غير كل دا محتاجه خصوصيه ..كده حياتك مافيهاش اي مساحه من الخصوصيه

ايتن : بصي يا ولاء ..هو الكلام دا مالوش لازمه ..بس انتي غلطانه من الاول انك من قبل الجواز كنتي المفروض تتفقي علي طريقه عشتك وحياتك ...كنتي اتفقتي معاه مافيش خدمه كامله ..او قسمتي يومين بس مثلا ...او حددتي ساعتين في اليوم بس تنزليهم ..كان في كذا حل بس انتي للاسف ما اتكلمتيش واستسهلتي وقولتي دا حال كل الناس هنا ..وكالعاده بالحب الي بينك وبين جوزك قولتي انه هيقف جنبك ومش هيسيبك وكلام الخطوبه دا

ولاء : هو وعدني بكده فعلا ...انه هو الي هيتص*ر لامه لو في حاجه وهي جات عليا في حقي ..بس للاسف مع اول مشكله ما جاش في صفي ولا راعى شعوري ..دا انا بقيت مستغربه كلامه ..بيقولي انا راجل البيت مش انتي الي ممشياني ..انا مش بسمع كلامك ..ههه وبقيت مستغربه كلامه

ريتاج : ومين قالك ان دا كلام محمد ...محمد بيحبك وببحبك قوي كمان وكلنا عارفين كده انتو قصه حب من وانتوا لسه في المدرسه ...بس هو مش كلامه فعلا

ولاء : انا عارفه ومتاكده .دا كلام امه ..وهي الي م**مه تخرب بيته ..وانا كنت بسكت واعمل علشان خاطر محمد ..بس من النهارده انا اخدت قراري ..انا مش هخدم حد ..انا مسؤله عن جوزي ونفسي وبيتي وبس

ايتن : طاب انا عندي سؤال يا لولو بس ...هو انتو كنتو متفقين اصلا علي انك تخدمي تحت وانتي وافقتي

ولاء : لا طبعا ..احنا ما اتكلمنش في الموضوع نهائى ولا اخدم ولا ما اخدمش ..يمكن لو كنا اتكلمنا كنا حطينا النقط فوق الحروف من الاول

ريتاج -: اهدي بس دلوقتي يا ولاء واكيد ليها حل ..ومحمد ما يقدرش يستغني عنك يوم واحد

.هتلقيه هيجيلك ويراضيكي ما تقلقيش

ولاء ؛ ياريت والله يا ريتاج ...ما تتصوروش يا بنات مجيتكوا دي فرحتني قد ايه ..وغيرت مودي بنسبه كبيره ...والله محتاجين خروجه زي الي كنا بنخرجها ايام الجامعه يا بنات ....صحيح مافيش اخبار عن فاطمه هي عامله ايه ..اتجوزت بعدي علي طول بس انا فعلا ما بقتش بكلمكم في التلفون ولا بسال ..حماتي دي شغله وقتي كله ..انا حاسه اني اتجوزتها هي .مش اتجوزت ابنها

ايتن : فاطمه كويسه وبخير وجوزها راجل محترم ما تقلقيش عليها ..هي بتتصل كل فتره وبتطمنا عليها

ولاء : خلاص يابنات حددوا يوم كده ونخرج سوا نغير جو ونتفسح شويه واهو اخرج من الجو الي انا فيه دا ..اتفقنا

*** ودعت ولاء اصدقائها واتفقا علي الخروج في يوم سوف يتم الاتفاق عليه وجلست ولاء مع والدتها واخبرتها ما حدث

ام ولاء : في ايه بقي ..ممكن اعرف ايه الي حصل ..انا جبتلك صحابك اهو علشان عارفه انهم الي هيطلعوكي من الي انتي فيه وتتكلمي

ولاء : بصي يا ماما باختصار ..حماتي تعباني بجد هالكه كل صحتي ..وحتي مانعه اني اطلع ارتاح في نص اليوم في شقتي ..م***ع اطلع شقتي غير باليل علي النوم ..هي دي عيشه ..اقولها تعبانه تذود عليا الشغل اكتر ..وكلمت محمد جوزي النهارده في التلفون وجابته من الشغل علشان انا ما رضتش انزل النهارده واعملهم حاجه ..مع اني نزلت والله بس هي ضايف*ني بكلامها ..فطلعت وقررت ما اخدمهاش تاني ..دا غير ان ببقي نفسي اقعد برحتي برضه م***ع هدومي كلها مالبستهاش ..البس فين بس وانا طول اليوم تحت ..انا حاسه اني اتجوزت امه ..ما اتجوزتهوش هو ...انا ما اتكلمتش ولا جيت غير لما خلاص فاض بيا وحاولت وحاولت بس بجد جبت اخري ...دلوقتي يا ماما كل الي انا طالبه ..اني ارجع علي شقتي ..اخدم نفسي وجوزي واشوف طلبات شقتي بس ...ومش ملزمه بيهم ...ما امه بصحتها تخدم نفسها وجوزها دا اخر قرار ليا ..مش موافق كل واحد يروح لحاله

ام ولاء : حاضر يا ولاء ..معاكي حق في كل كلامك ..دا انتي لسه عروسه مابقالكيش كام شهر ....طاب وهو محمد طالما عاوز كده وعارف ان دي العيشه الي امه عاوزها ما قالكيش ليه من الاول من الخطوبه .

ولاء : هو قالي المفروض انك تكوني عارفه ..مهو كل البنات بتعمل كده لما يتجوزا ودي التقاليد بتاعتنا ..ولا انتي علشان شايفه نفسك ..وانك معاكي شهاده عاليه وانا مش معايا ...وقلب الموضوع كله علي الفروق التعليميه بنا وعمل هو الي زعلان طول الليل اقوله مش قصدي خالص انت دماغك فكرت كده ليه ...انا بتكلم في حاجه مضيقاني وعيشه مش قا**ه اني اعشها او استحملها ...انت الي فكرت غلط في الموضوع

ام ولاء : خلاص لما ابوكي يجي من الغيط هقوله يا ولاء ...بس هما مش هيرضوا انك ما تنزليش تحت خالص ..انتي عارفه طبيعه البلد هنا ..احنا ممكن نحدد يومين بس تنزلي تاكلوا كلكم سوا ...او ممكن نقول تنزلي ساعتين بس في اليوم ...كده افضل انتي ايه رائيك

ولاء : لا يا ماما ...لان انا اقترحت عليهم كده فعلا ..وهما الاتنين رفضوا ...فانا طالما جيت هنا وسبت بيتي ..مش هرجع غير لما اكون زي اي بنت طبيعيه ...انا متجوزه علشان اخدم بيتي وجوزي مش بيتها وجوزها ...دا انا بطلع ما بيبقاش فيا حيل اعمل اي حاجه في شقتي من الهده الي هدتهالي

ام ولاء : خلاص اهدي دلوقتي وانا هكلم ابوكي لما يجي وافهمه الي حصل ...وكده كده احنا مش هنعمل حاجه غير لما هما يجوا ونشوف كلامهم ايه

*** تركت ولاء والدتها ودخلت غرفتها واسترحات وعندما اتصل عليها محمد زوجها لم ترد علي مكالمته ..ورفضت ان يحدث بينهما اي كلام ..وان يكون الحلول مع والدها ...وجاء والدها وقالت ام ولاء لابوها كل ما قالته ولاء وكل ما تنوي فعله وتريده شرط لرجوعها ان لا تخدم مره ثانيه ابدا ..وان لها بزوجها وبيتها فقط

فاتصل محمد علي والد ولاء واتفق علي المجئ له وعند زيارته

ابو ولاء : مزعل البنت ليه يا محمد ، دا انا ما عطتهالكش غير لما اتاكدت انك بتحبها وهتحافظ عليها وكنت متاكد انك عمرك ما هترجعهالي غضبانه منك في يوم ...

محمد ؛ انا اسف يا عمي وحقك عليا ..بس هي ولاء الي غلطانه ..ايه المشكله لما تساعد والدتي ويقسمواوالشغل عليهم ..وبعدان دا كده بتسليها بدل ما تقعد لوحدها طول اليوم

ابو ولاء : ولاء بتقول انها هي الي بتعمل الشغل كله ووالدتك بتدي الاوامر بس ...وبعدان البنت عاوزه مساحه من الخصوصيه في بتها من حقها دا ابسط حقوقها ..ازاي يعني يبقي شرط من اول ما تصحي تنزلها ولحد ما يجي معاد النوم تطلع علي شقتها

محمد : طاب هي عاوزه ايه دلوقتي

ابو ولاء : بص يابني هو الي قالته انها هترجع شقتها تخدمك وتخدم نفسها وتشوف طلبات بتها زيها زي اي زوجه ...انما مش هتخدم تحت نهائى ودا اخر قرار ليها ..وعاوزه تبقي تنزل تطمن عليهم كل كام يوم مش يوميا كمان ...او يبقي في يوم ف الاسبوع يوم اجازتك مثلا تقضوه سوا تحت مافيش مشكله ...دي طلباتها ..واظن عدها العيب ..انا جوزتهالك كزوجه ..لما انت جتلي يومها ماقولتليش انك عاوزها خدامه لامك وابوك واخوك ...انت ازاي ترضها علي زوجتك اصلا

محمد : بس طلباتها دي صعبه وعمر ما والدتي هتوافق عليها

ابو ولاء ؛ بنتي قاعده هنا معززه مكرمه هانم في بيت ابوها ...وانت فكر في كلامها وعرفني ردك

***خرج محمد ..وبدأ ابو ولاء يخبرها انه اخبر زوجها بكل طلباتها ولكن هو ليس موافق وايضا والدته مستحيل ان توافق ..ف**مت ولاء علي شروطها وقالت انها من المستحيل ان ترجع تخدم والدته حتي لو وصلت لحد الانفصال ، وظلت ولاء طوال الليل حزينه علي عدم وقوف محمد بجانبها كما وعدها ..لانها كانت متخوفه من والدته قبل الزواج ...ولكنه هو ايضا خزلها ولم يقف بجانبها ..ونامت من كثره التفكير والارهاق غلبها النوم

*** في صباح اليوم التالي استيقظت ولاء ..وعند قيامها من سريرها شعرت بدوخه خفيفه وجلست علي السرير وظنت انها من كثره التفكير وقله النوم الي ان هدأت ..وقامت من مكانها وصبحت علي والدتها وتناولا وجبه الافطار سويا وفجأه شعرت بتعب شديد

** شعرت ولاء بقليل من التعب والدوخه الشديده ..وانها لا تريد تناول الفطور وتشعر ان رائحته غريبه

ولاء : ايه دا يا ماما ..الاكل مش مظبطه ليه .في حاجه غريبه كده ، مش حاسه بطعمه في بوقي

ام ولاء : ليه كده يا ولاء ..دا ابوكي لسه فاطر منه قبل ما يمشي دلوقتي علي طول وماقاليش حاجه وانا اكلت منه اهو وطعمه زي الفل ..انتي كده الي فيكي حاجه غريبه

ولاء : فعلا يا ماما انا طول اليوم من ساعه ما صحيت وانا عماله بدوخ بدوخ ..شكل ضغطي واطي من الزعل والتفكير اليومين دول

ام ولاء : طاب الدوخه ممكن نفسرها كده فعلا ..انما احساسك بق*ف تجاه الاكل دا ايه علاقته بالزعل ..بقولك يا ولاء ما تجربي تحللي تحليل حمل

ولاء : معقوله يا ماما متاكده ، انا ماجاش علي بالي خالص الموضوع دا .وكمان دماغي مش شغاله غير في موضوع مع محمد

ام ولاء : دا لو حمل يبقي في وقته صحيح ..ادعي بس ربنا يكملك علي خير

ولاء -: انتي خلاص خلتيني حامل وبتدعيلي ههههه والله ضحكتيني ياامي وانا ماليش نفس لاي حاجه ..عموما حاضر هجيب شريط من الصيدليه واقولك النتيجه

** ذهبت ولاء للاقرب صيدليه وطلبت اختبار حمل ورجعت به الي بيت والدها واجرت الاختبار وكانت المفاجأه ....النتيجه ايجابيه ..وولاء فعلا حامل في شهورها الاولي ذهبت ولاء الي امها لتقول لها الخبر

ولاء : عملت الاختبار فعلا زي ما قولتيلي يا ماما ..حظري طلعت ايه

ام ولاء : باين من فرحتك وعنيكي الي بتلمع دول ...من ساعه ما جيتي وانتي عنيكي دبلانين كده وحزينه ...ووشك دلوقتي كله منور ..يبقي ايه ...الف مب**ك يا روح ماما وعقبال لما يشرف حبيب وقلب تيته دا ويتربي في حضن امه وابوه يا حببتي

ولاء : يارب يا ماما اللهم امين تسلمي يا حببتي ..انا عاوزه افرح بابا والدنيا كلها

ام ولاء : لو محمد عنده اصل وبيحبك بقي المفروض اول ما يعرف يجي ياخدك جري ولا يقول امه ولا اي حاجه

ولاء : مش عارفه يا ماما هو حر ..انا مش عاوزه افكر في الموضوع دا واضيع فرحه اللحظه الجميله دي

*** عندما جاء ابو ولاء ابلغته امها بان ولاء تعبت قليلا واخبرتها امها باجراء اختبار للحمل وبالفعل ظهرت النتيجه ايجابيه وانها حامل في شهورها الاولي ...و**م ابو ولاء علي ابلاغ محمد زوجها وقال انه لابد ان يكون علي علم بالامر لينظر ماذا يفعل إذن ..هل سيبقي الوضع علي ما هو عليه ..ام سيتحرك ويعيد زوجته ؟؟؟؟؟

** عند معرفه محمد بالامر تلفونيا **م علي محادثه والدته

محمد : يا حاجه ..ابو ولاء لسه مبلغني حالا انها حامل

ام محمد : طاب وايه المشكله ..اه ..مبروك

محمد : في اندهاش شديد ..قصدك ايه

ام محمد : مافيش رجوع غير علي خدمه

محمد : انا مش موافق ..انا هرجع مراتي وهتخدمني انا بس وتقعد في شقتها ..انا عاوز بيتي ومراتي وابني الي جاي افرح بيه ويتربي بيني وبين امه

ام محمد : في نرفزه شديده ؛ وانا قولت لأ يا محمد هتعصى اوامري ..دا انا امك دا انا الي تعبت فيك وربيتك وكبرتك لحد ما بقيت راجل ..وجاي بعد العمر دا وتقولي لأ

محمد : ربتيني انا وكبرتيني انا ..وحقك علي راسي من فوق انا اقعد اخدمك واشوف طلباتك يوم ما تتعبي ...انتي ما ربتهاش هي ولا تعبتي فيها ..دي مش جاريه جيبنها بالفلوس تخدمنا ..دي بني ادمه انسانه ليها ام هي كمان علي فكره ربتها وتعبت فيها ومن حقها تخدمها هي مش تخدمنا احنا

ام محمد : لو جبتها يا محمد مالكش كلام معايا ولا سلام

محمد : انا خلاص هجبها مش باخد رائبك ..انا مش هرمي لحمي وعرضي ...وهي ماعملتش حاجه ..انا كنت بشوف بعيني تعبها وت**ير جسمها من الشغل وهي مكنتش بتتكلم في الاول كانت تخبي من حبها ليا ..يكون دا جزاتي اني ارميها

بعد اقناع محمد لوالدته فتره طويله رفضت والدته وبشده علي عدم خدمتها لها ...واصرت لجأ محمد الي ابيه ليقنعه بإقناع والدته

محمد : يا حاج ..ابو ولاء لسه قافل معايا التلفون وبيبلغني ان ولاء حامل

ابو محمد : الف مب**ك يابني ويارب يتربي في وسطكم

محمد : انا عاوز ارجع مراتي .وزي ما هي حابه تقعد في بتها معززه مكرمه ومستنياني لما اجي من شغلي وهي كده كده هتكون تعبانه اصلا من الحمل ومش فاضيه لخدم نفسها حتى

ابو محمد : انت الي تقرر يابني دي حياتك وانت حر فيها ..بس بعد ما تيجي من شغلك وتاكلك لقمه تنزل تقعد معانا ..مش تقولك بقي انت ما قعدتش معايا ...بيت العيله يابني يفضل بيت عيله ومفتوح واتونس بابني ليل نهار

محمد : وانا معنديش مشكله يا بابا ..بس الحاجه هي الي مش موافقه وبتقولي هبدتبقي غضبانه مني ولازم مراتي تنزل تخدمها كل يوم ...

ابو محمد : لا يابني غلطانه ..انا هكلمها ما تنعاش همها ..روح انت رجع مراتك ..والحاجه سبها عليا او اقولك نادي عليها كده

يا حاجه ....يا حاجه ..يا حاجه

ام محمد : ايوا يا حاج خير

ابو محمد : انتي بتقولي لمحمد مش هتكلميه لو رجع مراته

ام محمد : اصله عاوز يرجعها بشروطه تبقي هي الي متشرطه وتمشي رائيها عليه

ابو محمد : سيبك بس انتي من حوار شروط ومش شروط والكلام دا .،، انتي ما فيكيش صحه تخدمينا ولا ايه يا ام محمد ...ولا مستنيه الحامل الي تخدمك

ام محمد : لا مش القصد ..بس كل الستات في البلد كده ما بتصدق تجوز ابنها علشان ترتاح

ابو محمد : تجوز ابنها وترتاح من طلبات ابنها ..مش ترتاح من خدمه جوزها وبتها ...لو تعبانه ياام محمد ..نتجوز تاني واجيب الي تريحك من خدمه جوزك يا ستي وبيتك ..طالما انت بتشتكي

ام محمد : لا طبعا ما انا بصحتي اهو ..ايه الي بتقولي دا ..ايه دخل الموضوع دا بالموضوع دا

ابو محمد ؛ روح يا محمد صالح مراتك وجبها من بيت اهلها ..وقولهم لولا والدي تعبان وراقد علي السرير كنت جيت معاك يابني

** ذهب محمد مسرعا الي بيت ولاء واعتذر من ابيها

محمد : انا اسف يا عمي وكل الطلبات الي ولاء قالت عليها هننفزها ..انا ما اقدرش اعيش من غيرها وعلشان ابننا يتربي في وسطينا برضه ..والدي تعبان شويه ..لو كان كويس كان جه معايا هو بيبلغك اعتذاره

ابو ولاء؛؛ صونها وحافظ عليها يابني ..البنات بنات الاصول ما بقوش موجودين في الزمن دا خلي بالك منها

** عادت ولاء مع محمد بدون اي كلام معه ولا في الطريق

حتي ..فبداخل كلا منهما حوار يريد ان يناقش فيه الطرف الاخر ولكنها انتظرا الي حين عودتهما الي بيتهما لكي يتحدثا سويا ويصفوا نفوسهم ..وخصوصا ولاء كانت حزينه جدا من تصرف محمد تجاهها وانه لم ينصفها امام والدته وتركها تمشي من بيتها بدون ان يتمسك بها ...فانتظرت ولاء الي حين عودتها الي بيتها لكي تحدثه وتتكلم مع محمد

جاء محمد زوج ولاء واعتذر من ابيها ووافق علي كل شروطها ..بان لا توجد خدمه في بيت والدته ..وان يخصصوا يوم او يومين لقضائه كامل في بيت ابيه انما باقي الايام في بيتها ويكون لها خصوصيتها وحياتها الخاصه ...وبالفعل تم الاتفاق علي ذالك وذهبت ولاء مع زوجها ..وهما في طريقهما الي بيتهما لم يتم التحدث اطلاقا وعند وصولهما وجدوا والده محمد في انتظارهم ويبدوا عليها اثار الغضب

ام محمد : انتو جيتوا ...وروحت جبتها بشروطها برضه ..هي مفكره هتمشي رائيها علينا ...عموما اما نشوف كلام مين الي هيمشي ..البيت دا ليه قوانين ..مش هتبقي انتي قاعده هانم وانا هنا مطحونه

ولاء : محمد انا راجعه بشروط وانت وافقت عليها صح ،، قبل ما اطلع شقتي اهو ؛ هتوفي بشروطي وهتلتزم بيها ولا مش موافق ارجع بيت ابويا افضلي ..كنت قاعده الكام يوم دول هانم في بيت والدي ..بساعد امي بحب وعلي قد صحتي بعمل ..ولا باجي عليها ولا باجي علي نفسي

محمد : ايه يا حاجه ..احنا مش اتفقنا وخلاص وروحت جبتها واتفقت مع ابوها ..اومال انا رايح علي اساس ايه ...انتي هتصغريني قدام الراجل ولا ايه

ام محمد : انا الي عندي قولتله ومش موافقه ..وابوك هو الي جبرني اسكت بس مش اوافق

محمد : اطلعي انتي يا ولاء شقتك دلوقتي ..والموضوع انتهي ..قدامكوا اهو انتو الاتنين ..انا حددت يومين بس الجمعه والسبت دول هننزل فيهم يا حاجه من اول النهار ونطلع علي باليل زي ما ولاء كانت بتعمل ويوم الخميس دا هتقضيه كله عند والدتها من اول النهار وتيجي علي باليل برضه وباقي الاسبوع تقعد في شقتها تشوف طلبات البيت والشقه ...والاكل هيبقي منفصل في الايام دي اكتبيلي يا ولاء في ورقه كل الي محتاجه في الشقه وفي الثلاجه ..يبقي عندك واختاري بنفسك كل يوم هتعملي ايه ..اظن دا ابسط حق في بيت اي واحده ست متجوزه يا حاجه

ولاء : تمام انا طالعه شقتي بعد اذنكوا

ام محمد : برضه مافيش فايده ..انت بتصغر من امك علشان مراتك ..انت. ازاي تعمل كده هي دي تربيتي ..هي دي ...

محمد : قاطع حديث والدته ؛؛ يا امي ..دا انا كده ولا جيت عليكي ولا عليها ..انتي لو عاوزه مني حاجه اخدمك انا بعيوني والله ..لو تعبتي اقعد من شغلي واشيل عنك واشيلك فوق راسي ...بس هي احنا ما اشترنهاش ..هي ليها اهلها احق تخدمهم من انها تخدمكوا والله ..وانا عارف الكلام دا وساكت ..لانها كانت ساكته ومستحمله علشاني ..ما ينفعش بعد كل الي عملته علشان اجي عليها وابعها او اقلل منها ..وبعدان انتي عارفه ان ولاء دي حب عمري كله ..انتي هتبقي مبسوطه يعني لو طلقتها ...لو فضلت اقاعد كده بعيد عن مراتي وابني ..طاب انا هفرص معاكي للنهايه ..وفكري في كلامي براحه وبعقل ..وسيبك من ان الناس كلها هنا بتعمل كده ..الناس كلها بتعمل غلط ..نقوم احنا مقلدين تقليد اعمي ....هي م**مه علي كلامها واحنا كمان عاوزانا ن**م علي كلامنا انا هكون معاكي للاخر ...هنضطر للانفصال صح ...وانتي كده هتبقي مبسوطه انتصرتي عليها بقي والكلام الي مالوش لازمه دا ...وبعدان العيشه هتبقي عامله ازاي ..بدل ما هتخدمي ابويا واخويا بس هترجعي تخدمي ال ٣ رجاله الي ف البيت كلهم ...بدل ما كان عندك يومين راحه وهي هتشيلهم منك ..هتخدمي كل الايام ومش هترناحي ...طاب بلاش الخدمه خالص ..هتبقي مبسوطه وانا قاعد جنبك كده طول اليوم ...ولا بيت ولا زوجه ولا اسره ..هتقولي هجوزك انا عارف ردك كويس ..طاب قلبي وانتي عارفه اني بحبها ومبسوط معاها ...طاب ابني دا ما فكرتيش انهم ممكن يعندوا معانا وما يوريهونيش ..ساعتها هتبقي مبسوطه

*** سكتت ام محمد وامتنعت عن الكلام وصعد محمد الي شقته مع زوجته ...وجلست ام محمد تفكر في كلامه وبدأت تقتنع به ..وقررت ان لا تفتح الموضوع ثانيه ..وان تتركهما يعيشا حياتهما كما يريدان ...وايضا تسكت لكي لا يغضب منها زوجها ولا يشعر بان خدمته ثقيله عليها وانها ابتدأت تشتكي من خدمته وينفذ تهديده ويتزوج عليها كما قال لها ...فقررت بالفعل ان لا تتكلم ثانيه وان تستسلم للامر الوقع

*** صعد محمد الي شقته والقي السلام علي ولاء ..ولكن ولاء كانت ولازالت غاضبه منه فهو لم يطيب خاطرها ..وتركها تذهب الي بيت والدها ...وايضا لم يهنئها بخبر الحمل ،،،

محمد : الجميله بتاعتي هتفضل مقموصه مني كده كتير ...فين ورقه الطلبات الي طلبتها منك تكتبيها للشقه كلها وللتلاجه ..اكتبي كل الي محتاجه مش اكل بس كل حاجه محتاجها في الشقه علشان ما تحتاجيش تطلبي حاجه من تحت ....

وتراضوا جميعا