Sabina
NILIBANG KO ang aking sarili sa mga bagay-bagay. Hangga’t maaari ay hindi ko inisip si Hades dahil nasasaktan lang ako kapag ginagawa ko iyon.
Malaking tulong sa akin ang mga kaibigan ko at alam ko na hindi man ipahalata ng pamilya ko sa akin, tinutulungan din nila akong makabangon.
Naikwento ko sa mga kaibigan ko ang nangyari at dinamayan nila ako. Ipinaramdam nila sa akin na hindi ako mag-isa at kakayanin ko.
“Mahirap ang proseso ng move on, girl. Pero knowing you, alam na alam naming kakayanin mo. Ikaw pa ba?” sabi ni Aines. Napangiti ako sa sinabi niya.
Naandito kami sa tambayan naming bar. Mabuti na lang din talaga at hindi ako na-grounded sa kalokohang ginagawa ko.
Hindi naman na galit si Kuya sa akin at si Dad. Sadyang nag-alala lang sila sa maaaring mangyari sa akin
