Malamig ang simoy ng hangin sa banyagang lungsod na iyon. Sa labas ng mamahaling hotel ay kumikislap ang mga ilaw mula sa matataas na gusali. Sa loob ng presidential suite, tahimik na nakatayo si Arkin sa may malawak na salaming bintana. Hawak niya ang isang baso ng wine ngunit ni isang lagok ay hindi niya magawang inumin iyon.
Mula roon ay tanaw niya ang makulay na siyudad sa ibaba. Ngunit sa kabila ng ganda ng tanawin, iisa lamang ang laman ng kanyang isip.
Si Elaina.Piping naisantinig niya na sana,ay kasama niya ngayon ang kanyang asawa.
Napabuntong-hininga siya at muling inilapag ang baso sa mesa. Kanina lamang ay nakausap niya ang kanyang asawa sa telepono. Maikli lamang ang kanilang pag-uusap dahil kailangan niyang habulin ang isa na namang meeting. Ngunit sa maikling sandaling i
