Hampas-lupa. Boba. No Read, No Write. Hindi nababagay kay Arkin.
Mariin niyang ipinikit ang kanyang mga mata. Ngunit sa halip na makatulog ay unti-unting nangilid ang luha sa kanyang mga mata. Hindi niya man gustong umiyak ay kusa iyong tumulo sa kanyang pisngi.
“Mahal na mahal ko siya...” pabulong niyang sabi sa sarili. “Kaya kailangan kong kayanin...”
Ngunit kahit gaano niya pilitin ang sarili, ang puso niya ay unti-unti nang napapagod.
Kinabukasan.
Madilim pa lamang ang kalangitan ay nagising na agad si Elaina. Mabilis siyang napabangon mula sa pagkakahiga nang maalala ang nangyari sa kanya kahapon. Ayaw na niyang maulit ang pagbuhos ni Donya Octavia ng malamig na tubig sa kanyang mukha. Kahit masakit pa ang kanyang buong katawan at tila naninigas ang kanyang mga braso at likod, pi
