“Shiny Star, bilang ikaw naman ang may dahilan kung bakit nasaktan si Darius kanina, ikaw na ang magdala nito sa kaniya,” utos ni Nanay Nena sa kaniya habang inaayos ang mga pagkain sa tray.
“Ako Nanay Nena?” gulat na tanong pa niya rito.
“Oo, bakit may iba pa bang Shiny Star dito?” pilosopong tanong ng matanda sa kaniya.
Humagikhik naman ang mga tagapangalaga niya sa sinabing iyon ni Nanay Nena. Napahinga na lang siya nang malalim saka kinuha ang tray sa matanda.
“Anak, kung maaari’y iwasan mong gamitan ng dahas si Darius at humingi ka nang paumanhin sa kaniya ha?” pakiusap pa nito sa kaniya.
“Opo Nanay Nena. Ito na po bang lahat ang aking dadalhin sa silid ni kamahalan?” tanong pa niya rito.
“Oo, iyan nang lahat,” magiliw namang sagot nito sa kaniya.
Binuhat na niya iyon ay naglak
