Chapter 30
Justin’s POV
“Nakita mo ‘yung babae kanina? Tol simple pero maganda. Ganun mga tipo ko.”
“Oo nga eh, lalapitan ko pa sana kanina kaso umalis na sayang!”
“Gago uunahan mo pa pala ‘ko!”
Narinig ko ang paguusap ng ilang crew pagkakuha ko ng soda sa ice cooler. Nagliligpit na sila dahil bukas na kukuhanan ang sumunod na eksena. Napatingin naman ako sa kanila kaya tumigil sila sa pagtawa.
“Justin! Ang galing mo kanina!” sabi nung isa kaya agad akong nagpasalamat. “Kaya ang daming babae kaninang nanuod eh!” Sayang nga lang at hindi ako napanuod ni Kim.
Inaya nila akong uminom ng alak pero tumanggi ako dahil maaga pa ang shoot namin bukas. Pupuntahan ko sana si Ate Max kaso may kausap siya sa telepono at ngiting-ngiti siya. Mukhang maiistorbo ko sila ng kung sino mang kausap niy
