Chapter 23
Allison’s POV
Nanginginig pa rin ang buong katawan ko pagdating ko sa CR ng kwarto ko.
Ayaw kong makuhanan ako ng camera kaya sa kabila ng nangyari, kahit mahirap ay nagawa ko pa ring kalmadong makapunta rito. Nagpanggap akong parang walang nangyari at nakayukong naglakad para hindi mahagip ng kahit isang camera ang mukha ko.
Sinarado ko ang lapel ko at agad bumuhos ang luha ko pagkasara ng pinto. Parang naipon ito sa loob ko kaya kinailangan kong takpan ang bibig ko para hindi ako makagawa ng kahit na ano mang ingay. Hindi ko alam kung dahil ba ito sa nanakawan akong muli ng halik ni Justin o dahil sa may ilang segundo sa halik na ‘yon na ginusto ko – hinayaan ko? Hanggang ngayon ramdam ko pa rin ang labi ni Justin at nandidiri ako sa sarili ko. Nagi-guilty ako dahil pakira
