NANANAKIT ANG kanyang buong katawan nang mag-kamalay. Ngunit nang mahagip niya ng tingin ang sarili sa wasak na side mirror ng sasakyan ay hindi siya iyon! Ito ang magandang babae na nakikita niya sa kanyang panaginip. Duguan ito at tila nahihirapan. Tumingin ito sa babae na katabi. Sinikap nitong gisingin ang babae. Umungol ang babae at may ibinulong ngunit nanatili itong naka-pikit. Tila iniinda ang bawat sakit. Duguan din ang babae.
"Anak ko.... Anak ko..." Paulit ulit iyong sinasambit ng babae.
Tila pilit pinapagana ng magandang babae ang isipan. Ginamit nito ang natitirang lakas upang buksan ang sasakyan.
"Halika, lumabas tayo." Nanghihinang saad nito sa babae.
"Iligtas mo na ang sarili mo. Ang anak ko... huwag mo sana siyang papabayaan." Wika ng babae habang tumingin sa kalahati
