Mhieco's POV
Galit kong tinulak sa may pader ang isang lalaki. Nagtagis ang mga bagang ko habang pinanlilisikan siya ng mga mata.
Kitang-kita ko sa mga mata ng lalaking ito ang takot. Kinuwelyuhan ko siya at ang kanyang dalawang kamay ay nanginginig na nakaharang sa kanyang harapan.
"Sinong nag-utos sa'yo na pasundan ako? Sino?!" tanong ko sa kanya.
Parang tuta na umiiyak ang lalaki na nasa harapan ko. Siya si Raymond Caballero, isa sa mga kasamahan ko rito sa department. Siya at ako lang ang bukod-tanging nagkakaroon ng leave sa parehong araw. Mauuna lang ako nang ilang oras ng pag-request at saka siya susunod. Ibig sabihin, nakabase ang lahat ng leave niya sa schedule ko. Ibig sabihin, minamanmanan niya ako at sinusundan kung saan man ako magpunta.
Dahil doon ay nagpatulong ako sa g
