BAGO mananghali ay nakabalik na ng mansiyon si Anastacia. Nakasabay pa siya sa pagkain ng mama ni Carlo samantalang ang binata ay wala raw doon at maagang lumabas ng bahay.
Sa isiping bumalik na naman ng Michubichu ang lalaki ay agad nang sumakit ang kalooban niya. Naisip niyang siguro ay may date ito at si Portia dahil birthday nga ni Carlo. O naman ay may painting session na naman ang dalawa sa resort kaya naroon.
Iwinaksi na lang niya ang isiping iyon at saka siya pumanhik ng silid nila ni Carlo pero laking pagtataka niya nang datnang hindi nakakandado ang pinto niyon. Napakibit na lang siya ng balikat at hindi na iyon pinansin. Pumasok siya at agad na naghanap ng isusuot para sa party mamaya, pero halos kalahating oras na siya sa tapat ng tokador nila ni Carlo ay wala pa rin siyang
