Tulad ng inaasahan ay bumili lang ng limang family size na pizza si Yvette at limang 1.5L na coke. Inumin ko lang yata ang naiiba dahil tulad ng sinabi ko ay latte iyon at venti pa.
Mabilis na nagsipagtakbuhan ang mga katrabaho namin nang makitang inilapag ni Yvette ang pagkain sa isang lamesa. Parang mga patay gutom ‘tong mga ‘to. Ang sarap sabihin na prank lang ang sinabi ko kanina at para sa akin talaga ang mga pizza na iyon.
“Dahil nanlibre ka, tutulungan kitang i-bag ang halaman ni Tosha.” Bulong ko sa kanya habang kumakain. Halos masilaw pa ako sa puti ng mga ngipin nya ng ngumiti ito sa akin. Nakapikit na tinanguan ko sya, sinisigurado na hindi lilipas ang araw na ito nang hindi nya naiuuwi ang halaman na pinaka-gusto nyang nakawin.
“Gusto ko yong succulents nya Cla.” Bulong nya
