Chapter 30
MAGKAHARAP KAMI ngayong apat habang nakaupo sa sofa. Sa kabila sina Nanay Fee at Tatay Kanor. Habang kami naman sa kabila ni Milo. Hindi ko mapigilan ang mga luhang naguunahang mag-alpasan sa aking pisngi.
Ang sakit malaman ng katotohanan. Na hindi ako isang Alezaer kundi isang Peralta. Hindi lang ako isang simpleng babae lang at nabubuhay ng ordinaryo, kundi isang tagapagmana ng malawak na lupain rito sa bayan ng Dagpa— ang lupain ng Peralta.
"Ipaliwanag niyo sa akin ang lahat Nanay Fee. Gusto kong malaman ang buong katotohanan. Gusto kong malaman kung ano ang tunay kong pagkatao, kung sino talaga ako...please...ipaliwanag niyo sa akin. Kasi hindi ko na maintindihan."
Umiiyak sina Nanay at Tatay habang nakatingin sa akin nang mataman. Parang wala silang balak na magsalit
