"Punyeta!" sigaw ni Enrique na gigil na gigil. Hindi maintindihan ni Ice kung saan nito hinuhugot ang galit sa kanya. Ngunit alam niyang hindi ito ang dapat na magalit king hindi ay siya.
"Wala ka nang kahihiyan, Ice." sigaw nitong muli sa kanya. Kuyom ang kamao na nakatitig kay Ice.
"Are you trying to ruin our reputation?" at hindi na nakatiis si Ice. Halos magpanting ang mga tainga ni Ice sa narinig na isinambit ng asawa. Kasalukuyan silang nasa bahay. Halos magkasunod lang sila ni Enrique na dumating dito. Hindi pa man naibababa ni Ice ang gamit niya ay inumpisahan na naman siya ni Enrique.
Naiiling siya kung ano ba ang pinupunto nitong reputasyon. Matagal na itong sira noon pa man. Nagpapanggap na lang ang ibang tao sa kanila pero alam ng mga ito ang baho ng pamilya nila. Hindi man
