Chapter 38
GREG's POV:
TAGAYTAY... Ito mismo ang lugar na tinatahak ng aking sasakyan ngayon.
Nasa pagbiyahe na kami ni Niña para tunguhin ang pribadong resort na pinangako ko sa kanya na pupuntahan namin.
Pero sa pagkakataong ito ay walang imik ang babae. Kanina pa siya tahimik at tila'y wala siyang balak magsalita.
Mukhang sineryoso yata ng dalaga ang sinabi ko na 'mamahalin ko siya kagaya nang pagmamahal ko sa aking asawa dahil magkamukha silang dalawa.'
At dahil siguro do'n ay nasaktan ko ang damdamin ni Niña. Ayaw niyang mahalin ko siya — nang dahil lamang sa pangungulila ko kay Angel. Kaya hindi ko rin masisisi ang dalaga na ganito ang kanyang nararamdaman.
"Kung nagugutom ka na, sabihin mo lang sa akin Niña. Pwede naman tayong huminto sa malapit na karenderya o kainan na mada
