NAKATINGIN lang si Angel kay Jane sa buong laban nito. Pinagmasdan niya ang kilos at galaw nito at masasabi niyang nag-training ito para sa ganoong laban.
“Alright! Number 61 is done, Jane is now proceed to next round!” anunsyo ni Hera. Pero ang isip niya ay okupado ni Jane.
Iniisip niya kung alam nitong nandoon siya o hindi. Pero kung alam nito, sana nilapitan na siya nito ngunit bakit hindi nito ginawa? Ang tanong niya sa sarili.
“Gel, mabait ba ’yon?” tanong ni Shaira. Marahil tinutukoy nito si Jane kaya tumango siya.
“Ah, parang hindi naman,” komento nito kaya nilingon niya ito.
“Paano mo nasabi?” tanong niya. Bakas ang pagtataka sa boses niya.
“Kasi siya ’yung nabunggo ko noong isang araw at grabe galit na galit siya sa akin. Kaya nagtataka ako kung paano mo nasasabing mab
