HINDI niya namalayang nakatulugan na niya ang pakikipagpalitan ng text sa kanyang Nanay Lupe. Naalimpungatan siya dahil sa paglalakad ni Shaira sa loob kaya bumangon siya at tiningnan agad ang oras sa cellphone niya. It's 7:00 o'clock in the morning. Napansin din niyang may huling reply pa si Lupe sa kanya kaya binuksan niya iyon para basahin.
Text message from: Nanay Lupe
Basta, anak, mag-iingat ka sa lahat ng kilos at hakbang na gagawin mo. Dahil nakasubaybay pa rin sila sa ’yo.
Text nito. Hindi na siya nag-reply at nagpasyang i-charge ang cellphone dahil pa-lowbatt na ito. Nilingon niya si Shaira at nakabihis ito.
“Nagising ba kita? Sorry. Tulog ka na lang ulit pag-alis ko, hahanapin ko lang cellphone ko,” wika nito at lumabas ng kwarto. Hindi na siya sumagot pero hindi rin siya
