PAGKATAPOS nilang kumain, bumalik na rin sila sa kanilang silid kahit hindi pa naman time, kaya naghiwalay na rin sila ni Shaira. Pagdating niya sa classroom niya, naroon na ang ilang kaklase niya. Dumiretso siya sa kanyang upuan nang mapansin na may panyong puti sa upuan niya. Kinuha niya iyon at iniangat para sana magtanong nang mapansin niya ang isang tattoo na katulad sa daddy niya.
“Kanino ’to? Katulad ito ng tattoo ni dad at ng mga taong pumatay sa kanya.” Sa isip niya at mabilis inikot ang tingin sa buong klase. Kailangan niyang mahanap ang taong naglagay no’n.
“Kanino ang panyo na ito at sino ang naglagay nito rito?” tanong niya. Isang babae ang naglakad palapit para tingnan ang panyo.
“Hindi namin alam, dahil black or red ang panyo ng lahat ng estudyante rito. Iyon din kasi ang
