BAHAGYA akong natigilan sa kinauupuan ko nang mapansin ang daang tinatahak ni Silent at hindi makapaniwalang naglipat ng tingin sa kanya.
Tulad ng napag-usapan namin kaninang tanghali ay magsasalo kami ngayong gabi sa hapunan. Ang inaasahan ko ay dadalhin niya ako sa isang restaurant para doon kumain tulad ng lagi naming ginagawa, pero sa tingin ko ay nagkamali ako. Mukhang may ibang balak ang Montealegre'ng kasama ko.
"What are we doing here?" Bakas sa boses ko ang pagkabigla nang itanong ko 'yon kay Silent na abala sa pagmamaneho.
"We're going to have dinner here," tugon niya at sinulyapan ako ng tingin sa rear mirror ng kotse.
"Pero wala sa usapan na rito tayo magdi-dinner!" inis kong sambit.
Kung alam ko lang na rito niya ako dadalhin ay sana pala hindi na lang ako sumama sa kany
