PARE-PAREHO kaming tatlo na walang imik. Si Silent, parang wala lang sa kanya ang nangyayari, hindi man lang binakasan ng kaba. Si Chloe naman ay bakas pa rin ang pagkagulo at gulat sa mukha habang ako ay nananatili lang seryoso.
Hindi ko alam kung ano ang magiging reaksiyon ko sa nangyari. Hindi ko napaghandaan ang araw na ito. Pero isa lang ang malinaw sa akin, nararamdaman ko na ang papalapit na problema sa amin ni Silent dahil sa pagkahuli ng ate niya sa aming dalawa.
She laughed without humor. "I can't believe this."
Napalunok ako nang 'di kalaunan ay nagseryoso na siya at sumulyap ng tingin sa gawi ko bago ibinigay ang buong atensiyon sa kapatid.
"What is the meaning of this, Silent? Bakit nandito ang babaeng 'yan sa condo mo?" sunod-sunod niyang tanong, at base sa boses niya ay
