Hindi na ba talaga magpapakita sa kanya si Grasya?
Marahang pagsiko sa braso niya ang pumutol sa paglalakbay ng kanyang diwa. Lumingon si Severen sa babaeng nakaupo sa kanyang tabi—ang kanyang fiancée. Magkatabi sila sa garden swing. Sa parehong lugar kung saan niya huling nakaharap ang dating kasintahan.
Pagkatapos ng araw na iyon ay hindi na ulit ito bumalik. Hindi na ito nagparamdam.
“Sev, ano ba ang iniisip mo riyan?” Nakasimangot na si Riva.
Pinasilay niya ang pilit at hilaw na ngiti sa kanyang mga labi. “Iniisip ko lang ang mga naiwan kong trabaho sa Maynila,” pagsisinungaling niya.
“Your company has department managers for a reason. Hindi sila palamuti lang sa Morenzo CoreTech. Besides, your secretary reports to you every single day. Ang sabi ng sekretarya mo, maayos naman ang
