Halos mapaigtad si Mia nang itulak ni Anthony ang pinto. Nagtama ang kanilang paningin pero agad siyang umiwas at nagpanggap na lalabas.
"Saan ka pupunta?” seryoso ang mukhang tanong nito.
“M-May kukunin lang ako sa nurse station,” nauutal na sabi niya.
“Sasamahan na kita.” Hindi pa siya nakasasagot ay nagpatiuna nang maglakad si Anthony sa hallway. Maliit at mabagal ang mga hakbang niya noon kaya agad na nakakutob si Anthony. Tumigil ito sa paglalakad atsaka ito bumaling sa kanya. “Wala ka naman talagang kukunin sa nurse station, hindi ba?”
Hindi nakaimik si Mia na noo’y nakatingin lang sa binata.
Naiiling na humakbang palapit sa kanya si Anthony. “Hindi ligtas para sa’yo ang magpagala-gala sa ospital. Kaya huwag sanang matigas ang ulo mo.” Inabot nito ang isang braso niya atsaka si
