Matapos ang ilang linggo, ibinasura ng judge ang kasong isinampa ni Jason. Kasunod nun personal na ibinigay ni Anthony kay Jason ang medical record ni Jen, mga reseta at mga gamot na naiwan, suicidal note, at ang mga raw video clip na kuha sa resthouse noong mismong araw na ‘yon.
Sa umpisa ay kalmado pang pinanonood isa-isa ni Jason ang video. Walang pag-aaway na naganap sa pagitan nina Anthony at Jen gaya nang ikinuwento sa kanya ni Tootsie. Isang normal na araw lang iyon. Nahagip pa nga ng camera si Anthony habang nagpapaalam sa ate niya. Wala ni isang anino ni Tootsie ang nahagip sa mga video clip na ‘yon, patunay na hinabi lang nito ang mga kwentong sinabi sa kanya.
Unti-unting yumanig ang mga balikat ni Jason habang pinapanood ang parte kung saan nagsusulat sa papel ang ate niya, iy
