Nagngingitngit sa galit na nagkulong si Tootsie sa CR. Binuksan nito ang gripo atsaka ito nagbasa ng mukha."Bwisit kang Mia ka! Panira ka sa plano ko! Ano ba'ng mayroon sa'yo at gustong-gusto ka ni Anthony?" gigil na sabi nito habang tinititigan ang sarili sa salamin. Hitsurang hindi ito papayag na basta na lang malamangan ni Mia. "Humanda ka sa akin, Mia. Tingnan natin kung hindi ka ma-turn off kay Anthony sa gagawin ko," nakangising sabi nito.
Nang mga sumunod na araw sinadya ni Tootsie na makipaglapit kay Mia para makuha ang tiwala ng dalaga. Kasalukuyang nakatutok noon sina Mia at Anthony sa kani-kanilang computer nang pasukin nito sa opisina. "Mia, sabay na tayong mag-lunch."
Saglit na napasulyap sa kanya si Mia bago ito bumaling kay Anthony na tila nanghihingi ng approval.
"Sige
